PreGE2025 Kongwa: Wanafunzi kukaa chini kwa kukosa madawati, DED asema mwaka huu ni wa uchaguzi "Msiripoti"

PreGE2025 Kongwa: Wanafunzi kukaa chini kwa kukosa madawati, DED asema mwaka huu ni wa uchaguzi "Msiripoti"

Mijadala ya Uchaguzi Mkuu wa Tanzania 2025 (Kabla)

Mkalukungone Mwamba

JF-Expert Member
Joined
Aug 29, 2022
Posts
3,141
Reaction score
7,205
Katika hali inayotia simanzi, Jambo TV imeinasa video inayoonesha kundi kubwa la wanafunzi wa Shule ya Msingi Kinangali, Kata ya Kibaigwa, Wilaya ya Kongwa mkoani Dodoma wakisoma wakiwa wamekaa chini bila madawati – mazingira ambayo ni kinyume na mazingira bora ya ujifunzaji hususan kwa kasi ya elimu inayoendelea kukua hivi sasa.

Picha hizo zinazoonesha watoto wakiwa wamerundikana sakafuni darasani, zimeibua maswali mazito kuhusu usalama wao, hadhi ya ujifunzaji na mustakabali wa elimu vijijini.

Mkurugenzi wa Halmashauri ya Wilaya ya Kongwa, Dkt. Omary Nkullo, alipohojiwa, alikiri kuwapo kwa changamoto hiyo, akieleza kuwa shule hiyo inakumbwa na ongezeko kubwa la wanafunzi kila mwaka, hali inayozidi uwezo wa miundombinu iliyopo.

Hata hivyo, alipoulizwa kuhusu uwezekano wa kuruhusu waandishi kutembelea shule hiyo kwa ajili ya kufuatilia undani wa tatizo, Dkt. Nkullo alishauri jambo hilo lisiripotiwe kwa sasa, akieleza kuwa ni mwaka wa kisiasa kuelekea uchaguzi mkuu, hivyo linaweza kuibua tafsiri tofauti.

"Kwa sababu juhudi zinaendelea sidhani kama kuna haja ya kulipublish sana, huu ni mwaka wa kisiasa ujue... kuna wengine watachukulia kama ni masuala ya kisiasa," amesema Dkt. Nkullo.

 
Hakuna kitu kirahisi hapa Tanzania kama kuwa kiongozi
 
Huu mwaka wa uchaguz tunareport maua tu.
 
Tatizo wakishachaguliwa tu wanawaza uchaguzi ujao
 
Back
Top Bottom