Kumbe hakuna chama kinaitwa CCM, CHADEMA, CUF, ACT Wazalendo wala NCCR Mageuzi?

[Ngoda95]

Uongo wake wote umejaa happy ukipoweka ACT wazalendo .Tume ya uchaguzi haojawahi chapisha karatasi ya kupigia kura wakati wowote yenye jina kuwa mgombea anatoka Chama Cha ACT wazalendo.Karatadi zote za kura hueleza wazi mgombea anatoka Chama Cha ACT.

Hawajawahi chapisha fomu yoyoye inayosema mgombea ni wa ACT wazalendo hakuna Chama chenye jina Hilo.Tume wanakijua Chama kinachoitwa kifupi ACT na siyo ACT wazalendo .Hilo la ACT wazalendo ni uongo wake wewe mleta mada,na bulendu wako

Jibidiishe kuelewa mantiki sio kukaririri ubishi ubishi wa hovyo.

Haya assume huo wa ACT Ni uwongo je wale walioenguliwa kwa kua wameandika "CHADEMA", na au CUF? nao hawajaonewa?

 

[Mwanamageuko]

Malisa GJ

Juzi TAMISEMI walitoa taarifa kuwa moja ya sababu za wagombea wa vyama vya upinzani kuenguliwa kwenye uchaguzi wa serikali za mitaa kwa 98% na kubakia 2% tu ni pamoja na kujaza kimakosa fomu za kugombea.

Moja ya makosa ambayo TAMISEMI waliyaainisha ni wagombea kujaza vifupisho vya majina ya vyama vyao badala ya majina kamili kama yalivyosajiliwa ofisi ya Msajili wa vyama vya siasa.

TAMISEMI ilisema hakuna chama kinachoitwa CHADEMA bali kuna Chama cha Demokrasia na Maendeleo. Kwahiyo mgombea aliyejaza fomu yake akaandika CHADEMA automatically alikua amepoteza sifa. Vivyohivyo kwa wagombea wa ACT Wazalendo, NCCR Mageuzi, CUF na vyama vingine.

Lakini katika hali ya kushangaza hakuna mgombea hata mmoja wa CCM aliyekutwa na kosa la kujaza chama chake kwa kifupi. Yani kati ya wagombea karibu laki moja wa CCM nchi nzima hakuna hata mmoja aliyeandika CCM, bali wote waliandika Chama cha Mapinduzi. Sijui walipewa semina elekezi au wote walikua "magenius" wakajua namna ya kujaza fomu zao.

Anyway, hiyo sio hoja kwa leo. Hoja nayotaka kueleza ni ile aliyoeleza kaka yangu Dotto Bulendu kuhusu mkanganyiko wa majina ya vyama vya siasa. Dotto anasema Tume ya taifa ya uchaguzi (NEC) inavitambua vyama kwa majina ya ufupisho. Na hata kwenye document rasmi za Tume kama karatasi za kupigia kura utaona wametumia majina ya ufupisho kama CCM, CHADEMA, ACT wazalendo, CUF etc.

Sasa Comrade Bulendu anauliza, inawezekanaje taasisi mbili za serikali zitofautiane katika jambo moja? Yani NEC wanatambua kuna chama kinaitwa CHADEMA lakini TAMISEMI hawatambui hiko chama. Na wanasema hakuna chama kilichosajiliwa kinachoitwa CHADEMA au CUF au CCM. Kwa kifupi vyama hivyo havipo.

Je Kanuni za uchaguzi mkuu zinazoandaliwa na NEC na zile za uchaguzi wa Serikali za mitaa zinazoandaliwa na TAMISEMI zinapingana?

Je, sheria ya vyama vya siasa ya mwaka 1992 inasemaje? Je ni kweli kwamba hakuna chama kinachoitwa CHADEMA au CCM au CUF au TLP?

Kama chaguzi za serikali za mitaa za miaka ya nyuma (2014, 2009, 2004 etc) zilitambua ufupisho wa majina ya vyama, kwanini mwaka huu iwe tofauti?

Halafu TAMISEMI inakaataaje kutambua vifupisho wakati yenyewe ni kifupisho?

Manyang'au hawakosi hila ili kutekeleza unyani wao. Wanakula watu huku wakitoa machozi...