Hao Wahalifu wao wametenda kosa gani? maana mimi hapa ndio huwa nabaki njia panda.
Mwezi uliopita Mwenzangu/jirani yangu alipata tatizo la kuvamiwa, walivyoruka geti kuvunja grili mpaka kuingia ndani mpaka sasa hivi hajui.
Mke wake amesafiri na Jamaa amebaki mwenyewe, sasa akawa anaweka godoro sebuleni ili asikilizie usalama huko nje, ingawa siku ya kufa Nyani miti yote huteleza...ametuamsha saa kumi kasoro jamaa wakiwa wameshakamilisha tukio...Jamaa alikuwa kama amechanganyikiwa kwani Mtoto wa Mama yule hakuwahi ku experience tukio kama hilo tangu amezaliwa.
Ni wiki inaenda ya tatu sasa tangu tukio Jamaa ameikimbia nyumba anaishi kwa Ndugu zake Mjini huko, anakuja mara moja moja anachekicheki anaishia...cha ajabu Gari ilikuwa hapo nje wala hawakuigusa.
Tulienda Polisi usiku ule,ilishafika saa kumi alfajiri kwenda kumi na moja hivi... yaani tuliona Polisi wanachukulia mambo kirahisi sana, hawakujali sanasana wakaanza kuturudishia lawama kwamba kwa nini tumeruka vituo vyote tukaenda mpaka central, pia wakasema kama hatujui vitu vyote vilivyoibiwa hawafungui ripoti..tuliondoka pale tumefura hasira tukaishia zetu maana Jamaa nae alikuwa harudi tena huku Mtaani anabaki mjini kwa ndugu zake....kwa hiyo suala la ripoti likawa limetoka hilo.
Kwa muda sasa kila mara nimekuwa najiuliza hivi ni Binaadamu wa aina gani hawa wanaosubiri Mwenzao afanye kazi yake halali, ajikusanyie mali zake na Mkewe wao waje waingie wachukue tu? maana Jamaa huwa anaondoka saa kumi na mbili na nusu alfajiri na kurudi saa moja jioni/mbili kasoro kila siku, na mara moja moja jpili pia huenda kazini.
Jamaa anatia huruma sana, alipunguzwa kazi mwaka jana mwishoni, baadae akapata kazi nyingine ila mshahara huku ni nusu ya aliokuwa anaupata awali...hivyo gharama zimemuelemea kodi ya nyumba na Mlinzi a.k.a Masai ikawa mzigo, baadae ilibidi Masai aondoke tu baada ya malipo yake kuwa yanasuasua.
Ukiongea na Wanazengo huku kitaa wanasema Polisi huwa wanapita pita patrol ila baadae wanakuwa chimbo mahali Kitaani wanachapa zao ulabu.
Yaani picha niliyopata pale Central ni kuwa hawa jamaa hawana msaada, yani wapo wapo tu wamekata tamaa ya kazi, hawana ushauri wowote...wana ku treat kama vile "umevamiwa..kwa hiyo sisi tufanyeje"
Hizi stunt za kwenye Runinga ndio wanaziweza, ila huku chini ni tia maji tia maji.
Nimejiuliza hivi kama tungefanikwa kuwaotea wale Wezi tukiwa na silaha tungewaacha hai kweli? au kama wangekamatwa baadae usiku ule na waliowakamata wakatuita na kutuuliza "hawa wapelekwe Polisi au tumalizane nao hapa hapa?" hivi tungejibu nini?
Juzi kuna redio moja walimuhoji Kamanda wa Polisi kutokana na matukio kadhaa yaliyojitokeza eneo moja huku Arusha, Mtangazaji alionyesha kutokuridhishwa na majibu yale, ofcoz yeye alisema 'Wasikilizaji hawajaridhika' lakini kivyangu vyangu huku nilipo nilijisemea hapo ndio amemaliza Mzee...business as usual.
Najua Polisi utetezi wao utakuwa wao wapo Wachache blah blah, lakini usalama wa raia bado ni jukumu lao la msingi, Polisi wajiongeze, waongeze ubunifu..kuna teknolojia sio lazima wawe wengi.
Hivi kwa nini moja ya masharti ya hawa Wenyeviti wa mitaa isiwe kuji commit kwamba watahakikisha Wakazi wao wanaishi kwa amani?
Hofu yangu hawa Wahalifu wakishakamatwa ni sisi tena tunaanza kuwatetea, kwa upande mmoja hatutaki kufanyiwa uhalifu lakini hatutaki Wahalifu waangamizwe kisa tu ni ndugu au Majirani zetu.
