Kwa kasi hii ya kiuchumi basi Rais Magufuli aende peke yake, asiguswe

[Elius W Ndabila]

MH MAGUFULI AENDE PEKEE YAKE, AMEJIONGEZEA SIFA NYINGINE YA KUIONGOZA NCHI KUFIKIA UCHUMI WA KATI.

Na Elius Ndabila (Lali Ibaba).
0768239284

Jana nikiwa jijini kwetu, nilisoma twitter ya Mh Rais akitupongeza na kutushukuru Watanzania kwa nchi yetu kutangazwa kuwa kwenye orodha ya nchi zenye uchumi wa kati. Nilipoona twitter ile nilijihisi ninaota ndoto, hasa nikizingatia dira ya nchi tulikuwa tuna matarajio ya kufika huko miaka ya 2025.

Ninakumbuka tuliambiwa na viongozi wetu kuwa kati ya malengo makuu ya Tanzania kiuchumi ni kuwa nchi ya uchumi wa kati. Azma hii imeelezwa sehemu mbalimbali kama vile katika Dira ya Maendeleo 2025. Chini ya lengo la kuwa na uchumi imara wenye ushindani.

Inawezekana kuwa baadhi yetu hatukuelewi tunakwenda kwenye uchumi wa kati tukitokea kwenye uchumi upi? Lakini tukiwa tunajiuliza maswali haya ukweli ni kuwa Tanzania ilikuwa kwenye uchumi wa chini.

Uchumi huu ulizijumuisha nchi zenye kipato cha wastani kwa kila mtu cha Dola za Marekani 1,025 (wastani wa Shilingi 2,194,000) au chini ya hapo kwa mwaka kwa takwimu za mwaka 2015.

Ukisoma kwenye ripoti iliyotolewa na Benki ya Dunia mwaka 2015 kuna nchi 31 katika kundi hili la nchi zenye uchumi wa chini.Pamoja na Tanzania, nyingine ni kama vile Afghanistan, Burundi, Congo, Ethiopia, Liberia, Malawi, Msumbiji, Nepal, Somalia, Zimabwe, Uganda na kadhalika.

Katika juhudi za kuelekea uchumi wa kati ni muhimu kwa wadau wote kuelewa huu uchumi ni wa namna gani na nini kinatakiwa kuufikia. Jambo la kwanza kabla ya haja zote, Taifa linapaswa kujanya mapinduzi kwenye sekta ya kilimo ambacho ndicho kinaweza kusababisha kuwepo kwa mapinduzi ya kilimo. Kilimo kikisimamiwa vizuri ni rahisi kutoa matokeo chanya pale mazao yanapoanza kuchakatwa na kutenenezewa munyororo wa thamani.

Nimesoma katika marejeo mbali mbali nikatambua kwamba hata uchumi wa kati umegawanyika katika makundi makuu mawili.

Haya yameainishwa kwenye benki ya Dunia. La kwanza ni lile la uchumi wa kati wa ngazi ya chini na la pili ni uchumi wa kati wa ngazi ya juu.

Huu ni uchumi ambapo wastani wa kipato cha kila mtu kwa mwaka ni kati ya Dola za Marekani 1,026 na 4,035, yaani wastani wa kati ya Shilingi 2,195,640 na Shilingi 8,634,900.

Nchi zilizopo katika kundi hili ni 51. Hizi ni pamoja na India, Ghana, Indonesia, Morocco, Sudan, Tunisia, Pakistani, Bangladesh, Kosovo, Lesotho, Misri, Kenya, Nigeria, Zambia, Syria na kadhalika.

Jambo kubwa la kupongezwa ni kuwa Tanzania tulikuwa na ndoto ya kufikia uchumi huu mwaka 2015 ambayo yalikuwa ni malengo yetu kwenye mipango ya millenium. Lakini mwamba JPM miaka mitano kabla ameshafika.

Wakati nafikiria hili nimejiuliza kuna mtu wa kusimama na JPM 2020 Mwenye akili timamu? Atakaye simama anataka akatutoe Kanani aturudishe Misiri? CCM wamefanya uungwana kumuachia JPM kuendelea kutuvusha, ni matumaini hata vyama vya upinzani waliokuwa wanafikiria fikiria kusimamisha wagombea wa Urais wapige mahesabu kama watapata kura. Ni vema wakahamishia Majeshi huku chini kwenye udiwani na ubunge ili wamwachie JPM aendelee kuijenga nchi.

Mimi siyo mchumi, lakini ukiangalia kwa jicho la kawaida lisilo la kiuchumi hadi kufikia miaka 2020 inawezekana JPM atakuwa ametupeleka Mbali mno. Tuendelee kumuombea ili Mungu azidi kumpa nguvu na ujasiri katika kusimamia maslahi ya nchi. Tanzania imeandika historia kubwa!

 

[Bayyo]

Upinzani wa aina ya DJ bora usiwepo kabisaa.

 

[Salary Slip]

Duh!!Huu ujinga ni matokeo ya elimu inayosimamiwa na serikali za CCM!

Mataga ni mzigo kuishi na nchi moja.

 

[Benjamini Netanyahu]

Kwa sifa kuu ya kuingia kwenye uchumi wa kati ni kuwa na nyumba za tembe, kutosa maji, barabara, afya, elimu n.k basi world bank chombo cha hovyo kabisa.

 

[Benjamini Netanyahu]

Sifa kuu naona ni kuwa na nyumba za tembe Singida, Simiyu, Geita, Shinyanga, Mara, Kigoma, Tabora, Dodoma, Rukwa, Katavi n.k

 

[kimbendengu]

Wananchi wa mkoa wa Dar es Salaam chakula chao ni mihogo ,a.k.a chips dume huu ndio uchumi wa kati?

 

[Tate Mkuu]

Dogo acha kuleta mambo ya kijinga. Tanzania ni zaidi ya ccm na huyo magufuli wako.

Na kama hufahamu, basi fahamu leo ya kwamba ndani ya nchi hii kuna watu wenye uwezo mkubwa wa kuongoza, na kufanya mambo makubwa ya kimaendeleo kuliko magufuli.

 

[Airmanula]

Ila mkuu naonaga kua utakua unaishi kwa stress sana

Sent using Jamii Forums mobile app

 

[Pascal Mayalla]

CCM wamefanya uungwana kumuachia JPM kuendelea kutuvusha, ni matumaini hata vyama vya upinzani waliokuwa wanafikiria fikiria kusimamisha wagombea wa Urais wapige mahesabu kama watapata kura. Ni vema wakahamishia Majeshi huku chini kwenye udiwani na ubunge ili wamwachie JPM aendelee kuijenga nchi.

Naunga mkono hoja

Kwa Kasi hii ya Magufuli, kuna haja Kufanya Uchaguzi wa Rais 2020?
P

 

[Ringo Malisa]

Upinzani wa aina ya DJ bora usiwepo kabisaa.

Kabisa.

 

[Ringo Malisa]

Dogo acha kuleta mambo ya kijinga. Tanzania ni zaidi ya ccm na huyo magufuli wako.

Na kama hufahamu, basi fahamu leo ya kwamba ndani ya nchi hii kuna watu wenye uwezo mkubwa wa kuongoza, na kufanya mambo makubwa ya kimaendeleo kuliko magufuli.

But, kwa sasa habari ya mjini ni MAGUFULI TU. Utake usitake.

 

[mrangi]

Duh

Ova

 

[Tate Mkuu]

But, kwa sasa habari ya mjini ni MAGUFULI TU. Utake usitake.

Uzuri tunawafahamu. Siku akiondoka tu madarakani, mtamgeuka na kuanza kumponda kama mnavyofanya kwa wastaafu wengine.

 

[fazili]

Naunga mkono hoja

Kwa Kasi hii ya Magufuli, kuna haja Kufanya Uchaguzi wa Rais 2020?
P

Mkuu ulinyang'anywa card yako ya uandishi wa habari hata kama umerudishiwa sio wakati wa kuwa sawa na wale wasiojua vizuri mambo.

 

[shige2]

Naunga mkono hoja

Kwa Kasi hii ya Magufuli, kuna haja Kufanya Uchaguzi wa Rais 2020?
P

Hii ni lamtu kutumia common sense.
1. Kwa nini nchi ya Tanzania imewekwa na TAASISI ya KIMATAIFA INAYOHESHIMIKA duniani kwenye moja ya nchi zilizoingia kwenye UCHUMI WA KATI hata kabla ya UCHAGUZI MKUU?

2.Kwa nini hawakuliweka hili mwaka jana ama juzi? Jibu ni -Walikwa WAKIMTAZAMA kwanza his performance na baada ya kuona uchanya wake wakaona jamaa huyu anachapa kazi.

Katika hili JIBU ni rahisi sana. INTERNATIONAL COMMUNITY imemkubali Magufuli na UTENDA KAZI WAKE. Na hakuingia madarakani ili ajitajirishe bali AITENGENEZE nchi na watu wake. Hili limeonekana.
Kwa kifupi ni kuwa hii ni:
International ENDORSEMENT kwamba JPM aendelee kuiongoza Tanzania Period!