- Source #1
- View Source #1
Kumekuwepo na chapisho ambalo limechapishwa na chombo cha habari cha Azam tv tanzania kikiwa nukuu ya kuwa uking’atwa na nyoka huruhusiwi kufunga kamba juu ya kidonda, kuchanja wala kunyonya sumu kwa mdomo. Unachopaswa kufanya ni kutulia kwanza ili kupunguza msukumo wa damu.
Dai hilo limetolewa na Mkurugenzi Mtendaji wa Shirika la Elimu na Uhamasishaji Uhifadhi wa Nyoka Tanzania (TASCEA), Aldo Charles, wakati akifanya mahojiano na kipindi cha Morning trumpet
Je ni upi uhalisia wa dai hilo?
Dai hilo limetolewa na Mkurugenzi Mtendaji wa Shirika la Elimu na Uhamasishaji Uhifadhi wa Nyoka Tanzania (TASCEA), Aldo Charles, wakati akifanya mahojiano na kipindi cha Morning trumpet
Je ni upi uhalisia wa dai hilo?
- Tunachokijua
- Kuumwa na nyoka kunaweza kuwa hatari na wakati mwingine kuhatarisha maisha, hivyo kunahitaji matibabu ya haraka na sahihi. Hata hivyo, waathirika wengi hupona kabisa bila kuhitaji dawa ya kupunguza sumu (antivenom).
Nyoka hatari kwa binadamu
Inaelezwa kuwa Nyoka wengi si hatari kwa binadamu. Ni takribani 15% tu ya nyoka duniani na asilimia 20 nchini Marekani wanaoweza kung'ata na kuacha sumu kwenye mwili wa binadamu, hawa huitwa nyoka wenye sumu (venomous).
Idadi ya watu wanaofariki kutokana na madhara ya kung'atwa kwa nyoka
Shirika la Afya Duniani linaeleza kuwa waathirika wengi hawafiki vituo vya afya au hospitali na badala yake hutegemea matibabu ya jadi. Hata hivyo, takwimu zinaonyesha kuwa watu milioni 4.5 hadi 5.4 huumwa na nyoka kila mwaka. Kati yao, milioni 1.8 hadi 2.7 hupata madhara ya kiafya, na watu kati ya 81,000 hadi 138,000 hufariki kutokana na madhara hayo.
Mtu anapaswa kufanya nini anapong'atwa na Nyoka?
Tovuti ya kliniki ya Mayo inaeleza kuwa mtu anapokutana na kadhia hiyo anapaswa kufanya yafuatayo;
- Ondoka (nenda) mbali na nyoka haraka iwezekanavyo.
- Tulia na epuka kusogea sana.
- Vua vito, saa au nguo zinazobana kabla uvimbe haujaanza.
- Kaa au lala ili sehemu iliyoumwa iwe katika hali ya kawaida na ya utulivu.
- Safisha jeraha kwa sabuni na maji, kisha lifunike kwa bandeji safi na kavu bila kubana sana.
Taasisi ya African snakebite inaeleza kuwa hupaswi kulikata jeraha au kuinyonyonya sumu kwa sababu Sumu ya nyoka hushikamana haraka sana na tishu za eneo lililoumwa na kufyonzwa kwenye mfumo wa lymphatic, hivyo utakaponyonya ni kiasi kidogo sana kinaweza kuondolewa kwa kunyonya. Kukata jeraha kunaweza kuongeza hatari ya maambukizi ya ziada.
Inaelezwa pia haishauriwi kufunga jeraha kwa kamba ili kubana damu kwani sumu ya nyoka haisafiri kwa kupitia mishipa ya damu bali zaidi husambaa kupitia tishu hivyo hakuna ushahidi kwamba kufunga kamba kama inaweza kuuokoa maisha.
