Roving Journalist
JF Roving Journalist
- Apr 18, 2017
- 5,352
- 15,876
KUKEMEA NA KULAANI VIKALI SHAMBULIO DHIDI YA NDUGU MDUDE NYAGALI
Kituo cha Sheria na Haki za Binadamu (LHRC) kinalaani na kukemea vikali shambulio dhidi ya ndugu Mdude Nyagali lililotokea usiku wa kuamkia tarehe 2 Mei 2025 akiwa nyumbani kwake mkoa wa Songwe. Hivi karibuni kumekuwa na ongezeko la mashambulio dhidi ya wanaharakati wa haki za binadamu nchini yanayotekelezwa na watu wanaotambulika kama 'watu wasiojulikana'.
LHRC inalitaka jeshi la polisi mkoa wa Songwe kuchunguza kwa kina tukio hili na kuchukua hatua dhidi ya wahusika wa shambulio hili la kikatili. Jeshi la polisi Songwe pia litoe taarifa rasmi kwa umma kuthibitisha kutokea kwa tukio hili na hatua zilizochukuliwa hadi sasa.
Sambamba na hilo, LHRC inatoa wito kwa Tume ya Haki za Binadamu na Utawala Bora kutekeleza wajibu wake wa Kikatiba wa kufanya uchunguzi juu ya jambo hili na mengine ya namna hii yanayoendelea kuvunja haki za binadamu nchini.
Imetolewa na:
Kituo cha Sheria na Haki za Binadamu
Bw. Fulgence Massawe (Wakili)
Kaimu Mkurugenzi Mtendaji.