Naona Lipumba ameamua kuachana kabisa na yale ya kale, na kuamua kusimama katika ukweli.
Katika ukweli huu, wotewalio wa ukweli, wapenda haki, tunasimama na kauli thabiti ya Prof. Lipumba. Tusiangalie nani anasema, bali nini amesema, kama ni cha kweli na halisia, tutasimama naye katika ukweli aunenao.
Bahati mbaya sana, hakuna ndani ya CCM amesimama na kuunena ukweli hata katikati ya uovu wa kutisha.
Lipumba na CUF yake, tumeisikia kauli yako ya kusimama katika haki.
Shekhe Ponda na Shura ya maimamu, tuliisikia kauli yao mara baada ya uovu ule.
TEC muda wote imesimama na haki za watu, hakuna aliye na mashaka.
Gwajima hajatetereka, hata walipotaka kumnajisi kupitia ile kamati ya mchongo ya kumsafisha muuji, amekana katakata, na kubakia kwenye kauli za kuetetea haki.
Mpendwa wetu, shujaa Tundu Lisu, hahitaji maelezo ya mtu, kwani uzalendo wake hauna mfanano na yeyote. Pamoha naye ni timu nzima ya uongozi wa CHADEMA.
Lakini katika laana, tuna CCM na viongozi wake wa serikali batili. Hii ndiyo laana kuu kwa Taifa letu. CCM au taasisi zake, pamoja na zile alizozipora, kama Polisi, TISS, ndiyo wamekuwa chanzo cha uovu wote usioweza kuelezeka, ikiwa ni pamoja na mauaji, utekaji, na ufisadi.
Kila iwezekanavyo, tunaoitafuta haki, tuunganishe nguvu, na kujitenga kabisa kwa namna zote zinazowezekana na hao walio wa laana, mpaka siku watakapobadilika na kuitumikia haki.
