Lyenda: Msimamo wa 'No Reforms, No Election' utaendelea hadi 2030 kama hakutakuwa na maboresho ya Sheria

[Waufukweni]

Mkuu wa Idara ya Habari na Mawasiliano ya Chama cha Demokrasia na Maendeleo (CHADEMA), Gerva Bernard Lyenda amesema kuwa siyo sawa kuzungumzia uchaguzi ujao wakati ule uliopita haukufanyika kwa misingi sahihi.

Lyenda ameeleza kuwa CHADEMA inaendelea kusimamia msimamo wake wa "No Reforms, No Election" (Bila maboresho hakuna uchaguzi) kwani yaliyotokea Oktoba 29 hayakuwa uchaguzi halisi kutokana na ukosefu wa mageuzi ya kisheria.

Soma: PostGE2025 - Wakili Madeleka: "No Reforms, No Election" haiwezi Kufanywa Uhaini

Ameongeza kuwa hata aliyekuwa Waziri Mkuu wa zamani, Jaji Warioba, ambaye ni kada mwenye heshima kubwa ndani ya Chama cha Mapinduzi (CCM), alikiri kuwa uchaguzi haukufanyika, hivyo hakuna sababu ya kuitambua michakato hiyo kuwa halali.

Katika kufafanua athari za msimamo huo, Lyenda amesisitiza kuwa msimamo wa chama chake utadumu kwa muda mrefu ujao, hata ikibidi hadi mwaka 2030, iwapo hakutakuwa na mabadiliko yoyote ya maana katika sheria za uchaguzi. Ametilia shaka pia takwimu za matokeo yaliyompa ushindi Rais Samia kwa kura milioni 32, akisema kuwa idadi hiyo haiingii akilini ukilinganisha na idadi ya jumla ya Watanzania na namna watu walivyoshiriki kupiga kura siku hiyo.

 

[Tate Mkuu]

Naunga mkono hoja. Mpaka ukombozi wa kweli upatikane.

 

[Tlaatlaah]

Hiyo haina maana bali ni kitu useless kabisa,

Na hicho ndicho kinawatesa mioyo na kuwaathiri wengi wao kisaikolojia kwa sasa, mpaka kufikia hatua ya kufurahia na kushangilia misiba au umauti wa ndugu,jamaa na marafiki zao waliopatwa na misiba au umauti, hususani wenye maoni tofauti na yao.

Na athari zaidi, ndio hizi tunaziona kwenye kuzomea zomea, na kuona kila kitu kwao ni kibaya, na kila mwenye maoni tofauti na yao ni mbaya na ni adui yao.

Na niwahakikishie tu, hiyo nonsense hawezi kubadili chochote, ispokua kuawathiri zaidi wao kisaikolojia, na itapelekea baada ya miaka miwili au mitatu ijayo, wengi wao kujikuta wakiwa na changamoto za afya ya akili au changamoto za moyo, kwasababu ya chuki binafsi useless wanazoendekeza mioyoni mwao 🐒

 

[dos.2020]

kwa kweli hawamkomoi mtu kwa hilo