DRC: M23 yaukamata Uwanja wa Ndege wa Kavumu wa Bukavu, kuelekea jijini
Na
AFP ,
Jeune Afrique
Iliwekwa mnamo Februari 14, 2025 14:38
Tarehe 14 Februari, waasi wa M23, waliudhibiti uwanja wa ndege wa Kavumu, ulioko takriban kilomita 30 kutoka mji mkuu wa jimbo la Kivu Kusini.
Takriban wiki tatu baada ya kuuteka Goma, mji mkuu wa jimbo la Kivu Kaskazini, waasi wa M23 wanaendelea na harakati zao kuelekea Kivu Kusini. Lengo lao inaonekana ni
kuteka jiji la Bukavu.
Mnamo tarehe 14 Februari 2025, baada ya mapigano mafupi, walichukua kwanza mji wa Katana katika eneo la Kabare kabla ya kusonga mbele kilomita kumi zaidi kutwaa udhibiti wa Uwanja wa Ndege wa Mkoa wa Kavumu, kulingana na vyanzo vya ndani vilivyowasiliana na jarida tajwa la kimstaifa la Jeune Afrique.
"Kavumu na mazingira yake, ikiwa ni pamoja na uwanja wa ndege, sasa iko chini ya udhibiti wa AFC/M23," msemaji wa M23 Lawrence Kanyuka aliandika kwenye mtandao wa X.
Mamlaka ya Kongo bado haijatoa maoni kuhusu matukio haya ya hivi punde, lakini mwakilishi wa jumuiya ya kiraia wa eneo hilo aliiambia jarida kubwa tajwa Jeune Afrique kwamba "FARDC [Majeshi ya Wanajeshi wa DRC] wamejiondoa."
Kavumu: umuhimu wake Kimkakati kuelekea Bukavu
Ipo takriban kilomita 30 kutoka Bukavu, jiji kubwa zaidi katika Kivu Kusini, Kavumu inatumika kama kituo kikuu cha logistics cha jeshi la Kongo. Uwanja wake wa ndege ulikuwa muhimu kwa kurejesha askari, na kukamatwa kwake kunaondoa kikwazo cha mwisho kwenye barabara ya Bukavu.
Waasi wa M23 wanaendelea na mashambulizi yao licha ya "kusitisha mapigano mara moja" iliyoitishwa na wakuu wa nchi na serikali katika mkutano wa kilele wa Februari 8 mjini Dar es Salaam, Tanzania.
Mkutano huo ulifanyika kwa pamoja kati ya Jumuiya ya Maendeleo ya Nchi za Kusini mwa Afrika (SADC) na Jumuiya ya Afrika Mashariki (EAC), ambazo zote zinajumuisha DRC ikiwa ni mwanachama.
Katika taarifa ya tarehe 12 Februari 2025, serikali ya Kinshasa tayari ilikuwa imewalaani waasi kwa kukiuka makubaliano ya kusitisha mapigano. Siku hiyo, vikosi vya M23 vilichukua udhibiti wa Ihusi katika eneo la Kalehe baada ya siku mbili za mapigano makali.
