Madereva Mwanza watishia kusitisha huduma kuanzia Septemba 29, 2026

[Waufukweni]

Madereva wa mabasi yaendayo mikoani na nchi jirani, Mkoa wa Mwanza, wameiomba Serikali kuingilia kati suala la kufungiwa leseni zao, wakidai kuwa hatua hiyo imekuwa ikichukuliwa bila kufuata utaratibu unaostahili.

Madereva hao wametoa kauli hiyo wakati wakizungumza na Clouds Media jijini Mwanza, katika Kituo cha Mabasi cha Nyegezi, ambapo wameeleza kuwa kufungiwa kwa leseni zao kunawaathiri katika utekelezaji wa majukumu yao ya kila siku.

Mwenyekiti wa Chama cha Madereva Mkoa wa Mwanza, pamoja na baadhi ya madereva, wamesema endapo hatua ya kufungiwa leseni zao kiholela itaendelea, wako tayari kusitisha huduma ya usafirishaji kuanzia tarehe 29 ya mwezi huu.

Wamesema uamuzi huo unatokana na kile walichodai kuwa ni changamoto wanazokutana nazo katika utekelezaji wa majukumu yao, huku wakisisitiza kuwa wanahitaji utaratibu unaoeleweka pindi dereva anapokiuka sheria au taratibu za usalama barabarani.

Madereva hao wameiomba Serikali kupitia Wizara pamoja na mamlaka husika kuingilia kati suala hilo mapema, ili kutafuta suluhu na kuhakikisha wanapewa nafasi ya kufanya kazi zao kwa uhuru, huku wakizingatia sheria na taratibu zilizowekwa.

Aidha, wameonya kuwa iwapo hakutakuwa na hatua za kutatua changamoto hiyo kabla ya tarehe waliyotaja, hatua ya kusitisha huduma inaweza kuathiri usafiri wa abiria wanaotumia mabasi hayo kusafiri ndani na nje ya Mkoa wa Mwanza.

Soma pia

• Dereva: Askari wa Barabarani wanatupa ‘stress’ madereva, wanatusingizia makosa, wapewe elimu ya udereva

 

[Trinity]

Point 15 kwa dereva anayesafiri zaidi ya mikoa 5 kwa siku ni chache mno. Hata miezi 2 haiishi inakua imejicancel.
Kwa private niliendesha kutoka Songea Mpaka Kagera kwenda na kurudi nilipigwa faini 2.
Moja eti nimepakia mixigo isiyostahili mzigo wenyewe mche wa parachichi.
Faini ya pili taa moja iliungua wakati narudi, taa yenyewe iliungua bila mm kufahamu.
Pamoja na kufuata sheria zote lkn niliambulia mikeka 2, sasa je dereva daldala au Lori na mabus nawaonea huruma.

 

[Trinity]

Suala la point liwepo lkn inadi ya point liongezwa angalau point 50 na kuwepo na baadhi ya makosa yahusuyo dereva pekee.

 

[Zerock]

Sipendi kuishi Tanzania kwa sababu kuna mambo ya ajabu ajabu kama haya.

 

[Risk manager]

Point 15 kwa dereva anayesafiri zaidi ya mikoa 5 kwa siku ni chache mno. Hata miezi 2 haiishi inakua imejicancel.
Kwa private niliendesha kutoka Songea Mpaka Kagera kwenda na kurudi nilipigwa faini 2.
Moja eti nimepakia mixigo isiyostahili mzigo wenyewe mche wa parachichi.
Faini ya pili taa moja iliungua wakati narudi, taa yenyewe iliungua bila mm kufahamu.
Pamoja na kufuata sheria zote lkn niliambulia mikeka 2, sasa je dereva daldala au Lori na mabus nawaonea huruma.

Sasa miche ya parachichi alitaka upakie wapi Sasa , duu yaani hna Mali yako mwenyewe unateseka ama inakutesa. Ni sawa na nyumbani kwako unaambiwa kuwa humu hutakiwi kuweka mfugo

 

[Mkomavu]

Kwa tanzania askari wa usalama barabarani ni chanzo cha mapato ya serikali gomeni labda mtapata haki zenu lakini mnaonewa sana