MAIGIZO: Pendekezo la B3W dhidi ya BRI?

ldleo · 2021-06-28T00:53:51+00:00

Wakati shamrashamra za mkutano wa Kundi la Nchi 7 (G7) uliofanyika Carbis Bay, Uingereza zikimalizika, wataalam wanatathmini ahadi na mawasiliano ya jumla yaliyotolewa kwenye mkutano huo wa nchi 7 zenye demokrasia ya juu zaidi duniani, Uingereza, Canada, Japan, Ufaransa, Ujerumani na Italia. Kama kawaida, mkutano huo usingekamilika bila ya kutaja China, ambayo kwa sasa imekuwa ikibebeshwa lawama na kushambuliwa na nchi za Magharibi. Licha ya tuhuma za kawaida, safari hii, G7 imeamua kutekeleza kauli zake kwa kuanzisha mradi wa miundombinu ili kushindana na Pendekezo la Ukanda Mmoja, Njia Moja la China! Kundi hilo limetoa pendekezo la “Kujenga Tena Dunia Nzuri” (B3W), mradi ambao ikulu ya Marekani imeusifia kuwa ni “uhusiano wa wazi wa ujenzi wa miundombinu ili kusaidia kupunguza pengo la dola za kimarekani trilioni 40 zinazohitajika nan chi zinazoendelea itakapofikia mwaka 2035.” Kwa kulinganisha, pendekezo la Ukanda Mmoja, Njia Moja linakadiriwa kugharimu kati ya dola za kimarekani trilioni 4 hadi 8, kiasi ambacho kinakusanywa kutoka pande mbalimbali. Wachambuzi wamesema kuwa B3W inatokana moja kwa moja na mambo yaliyomo kwenye Pendekezo la Ukanda Mmoja, Njia Moja (BRI), ingawa ni dhaifu kuliko pendekezo halisi. Kwa hakika, Wachina wameliita kazi ya wizi ya BRI. B3W pia imetoa madai kuwa itawekeza katika mabadiliko ya tabianchi, afya, teknolojia ya kidijitali na usawa wa jinsia, ikilenga nchi zinazoendelea. Kuhusu kuzisaidia kihalisi nchi zinazoendelea kukuza uchumi wao, Kundi la G7 ni sawa na kwamba limechelewa. Katika uhusiano wa pande mbili na pande nyingi, na pia kupitia makundi kadhaa ya kikanda kama Jukwaa la Ushirikiano wa China na Afrika (FOCAC) na Shirikisho la Asia Kusini Mashariki, China imekuwa na uhusiano thabiti, wa kina na wa maelewano ambao matokeo yake yanadhihirika wazi, hususan katika miradi ya miundombinu ya kisasa. Kabla ya kuingia kwa China, nchi nyingi za Afrika, kwa mfano, zilinyonywa sana kupitia uhusiano wao wa pande mbili na nchi za Magharibi, na wafadhili wengi walitelekeza miradi yao baada ya kuondoa ufadhili kwa sababu za kutaka kutumia mabavu. Miradi inayotekelezwa na Pendekezo la Ukanda Mmoja, Njia Moja imekuwa na manufaa makubwa, kama nchini Kenya, ambako mageuzi ya miundombinu katika miaka 20 iliyopita kupitia uhusiano wake na China yamekuwa makubwa sana. Wakati nchi za kundi la G7 zikikabiliwa na changamoto kubwa za kiuchumi kutokana na athari za janga la virusi vya Corona, China imekuwa nchi pekee kubwa kiuchumi ambayo imerekodi ukuaji chanya wa uchumi mwaka 2020, huku nchi zinazoitwa zimeendelea, zikijikuta uchumi wao ukidumaa au kuwa na ukuaji hasi, na kuzifanya kuomba msaada wa mabilioni ya dola za kimarekani kwa ajili ya kufufua uchumi wao. Pia, kama hatua ya kujibu pendekezo la Ukanda Mmoja na Njia Moja, kundi la G7 halijawahi kujihusisha na mradi mgumu wa miundombinu duniani. Ni wazi kuwa, pendekezo la B3W lilitolewa kwa ghafla, ingawa kuna ripoti kuwa limekuwa likijadiliwa nchini Marekani kwa miezi kadhaa. Wakati pendekezo hilo litakapoanza kutekelezwa, pendekezo la Ukanda Mmoja Njia Moja litakuwa karibu kutamatika, ama limepata maendeleo makubwa kiasi kwamba, B3W haitaleta maana. Kutokana na hilo, wazo la G7 halina matarajio ya kimsingi, tofauti na BRI ambayo imetumia utamaduni wa Kichina wenye msingi wa usawa na kirafiki kwa binadamu wote. Sasa tunajiuliza, inawezekanaje kwa G7 kupanga kihalisi na kutekeleza mradi sawa na ule waliokashifu tangu kuanzishwa kwake mwaka 2013? Wasomi na vyombo vya habari vya nchi za Magharibi wametumia fursa zote kukashifu Pendekezo la Ukanda Mmoja, Njia Moja. Lakini sasa, wanasifia kupita kiasi pendekezo ambalo ni sawa na la BRI. Zaidi ya hayo, Marekani inawezaje kujitapa kuongoza mradi wa B3W, wakati rais Joe Biden hivi karibuni ameshindwa kuungwa mkono katika mpango wake wa kutaka dola trilioni 2.3 za kimarekani kwa ajili ya kuboresha miundombinu na kuanzisha uchumi wa kijeni nchini humo katika miaka nane ijayo? Madai kuwa China inapanga kusambaza itikadi yake ya kikomunisti kwa kutumia pendekezo la Ukanda Mmoja, Njia Moja sio kwamba tu hayana msingi, lakini pia yanalenga kutoa uelewa mbaya kwa wenzi na washirika wa nchi hiyo. Itikadi na filosofia nyingine zinasambazwa kupitia vyombo vya habari na njia nyingine kama hizo. Lakini ikumbukwe kwamba, China ina vyombo vingi vya habari duniani na vinaweza kufanya kazi hiyo kama ikihitaji. Badala ya kujaribu kurudisha umaarufu wake unaopotea kwa kasi, G7 inapaswa kuungana na China na kuziba nafasi ya sasa ya ufadhili na ugavi katika Pendekezo la BRI. Pia, nchi za kundi hilo zinaweza kufungua njia zao zaidi ili kuhakikisha miradi inafika kwenye maeneo muhimu katika sehemu zote, kama njia ya kusaidia nchi masikini ambazo G7 inadai kusaidia kukuza uchumi wao kupitia biashara.

Thread starter ldleo
Start date Jun 28, 2021

ldleo

JF-Expert Member

Jun 28, 2021

Laki Si Pesa

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts