The Watchman
JF-Expert Member
- Nov 7, 2023
- 2,186
- 4,940
Wakati Taifa likingoja uchaguzi mkuu wa Rais, wabunge na madiwani utakaofanyika Oktoba mwaka huu, Makamu wa Rais wa Tanzania, Dk Philip Mpango amesema hatarajii kuona wafanyakazi wanabaki nyumbani siku itakapowadia.
Amesema wafanyakazi wana nguvu ya kuiweka Serikali madarakani hivyo wanapaswa kujiandikisha kisha kupiga kura ifikapo Oktoba.
Ameyasema hayo leo Alhamisi Mei 1, 2025 wakati wa maadhimisho ya Siku ya Wafanyakazi Duniani, yanayofanyikia kitaifa mkoani Singida ambapo mgeni rasmi ni Rais wa Tanzania Samia Suluhu Hassan.
Sherehe hiyo ina kaulimbiu isemayo “Uchaguzi Mkuu 2025 utuletee viongozi wanaojali haki na masilahi ya wafanyakazi sote tushiriki,” ikiwa ni ujumbe unaosisitiza kushiriki uchaguzi mkuu huo.
“Niwasihi sana wafanyakazi asibakie hata mmoja wa sekta ya umma au binafsi ambaye hatajiandikisha kwenye daftari la kudumu na siku ya uchaguzi asibakie hata mmoja nyumbani twende wote tukapige kura,” amesema.
Aidha mbali na nguvu ya kisiasa ameelezea nguvu ya wafanyakazi kiuchumi akisema utendaji wao unakuza uchumi nchini.
“Uchumi wa Tanzania umeimarika sana katika kipindi hiki ukilinganisha na nchi nyingine zinazolingana na sisi, hivyo pongezi za dhati kwa wafanyakazi wa Tanzania” amesema Dk Mpango.
Amesema wafanyakazi wana nguvu ya kuiweka Serikali madarakani hivyo wanapaswa kujiandikisha kisha kupiga kura ifikapo Oktoba.
Ameyasema hayo leo Alhamisi Mei 1, 2025 wakati wa maadhimisho ya Siku ya Wafanyakazi Duniani, yanayofanyikia kitaifa mkoani Singida ambapo mgeni rasmi ni Rais wa Tanzania Samia Suluhu Hassan.
Sherehe hiyo ina kaulimbiu isemayo “Uchaguzi Mkuu 2025 utuletee viongozi wanaojali haki na masilahi ya wafanyakazi sote tushiriki,” ikiwa ni ujumbe unaosisitiza kushiriki uchaguzi mkuu huo.
“Niwasihi sana wafanyakazi asibakie hata mmoja wa sekta ya umma au binafsi ambaye hatajiandikisha kwenye daftari la kudumu na siku ya uchaguzi asibakie hata mmoja nyumbani twende wote tukapige kura,” amesema.
Aidha mbali na nguvu ya kisiasa ameelezea nguvu ya wafanyakazi kiuchumi akisema utendaji wao unakuza uchumi nchini.
“Uchumi wa Tanzania umeimarika sana katika kipindi hiki ukilinganisha na nchi nyingine zinazolingana na sisi, hivyo pongezi za dhati kwa wafanyakazi wa Tanzania” amesema Dk Mpango.