Roving Journalist
JF Roving Journalist
- Apr 18, 2017
- 5,352
- 15,876
Akizungumza na wananchi waliojitokeza kushuhudia barabara hiyo, leo tarehe 17Mei 2023 Makamu wa Rais Dkt Mpango amesema pamoja na kwamba gharama za ujenzi wa barabara ni kubwa Serikali inayoongozwa na Rais Dkt Samia Suluhu Hassan itahakikisha inajenga kipande cha barabara kilichobaki kwenda Mto wa Mbu.
Kwa kuanzia Makamu wa Rais Dkt Mpango ameiagiza Wizara ya Ujenzi na Uchukuzi kuhakikisha kuwa inaweka kwenye Bajeti ya Wizara hiyo itakayosomwa Jumatatu 22 Mei, 2023 na kuomba fedha kwa ajili ya ujenzi wa kipande kingine korofi cha barabara chenye kilometa 24 kutoka Ngaresero kwenda Engaruka wakati Serikali kupitia TANROADS ikiendelea na mchakato Ujenzi wa sehemu nyingine ya barabara hiyo.
Naye Naibu Waziri wa Ujenzi na Uchukuzi Mhandisi Geoffrey Kasekenya amesema barabara hiyo ni muhimu kwa wananchi wa mkoa wa Arusha, wilaya ya Ngorongoro, Loliondo na vijiji vyote ambavyo barabara hiyo inapita na kwamba inahitajika sana na watalii wanaokwenda Mbuga ya Serengeti, lengo likiwa ni hadi kufikia mwaka 2025 mikoa yote iwe imeunganishwa na barabara nzuri kwa kiwango cha lami.
"Naomba niwape Wananchi hawa taarifa, Rais ametoa maelekezo, kipande cha kilometa 10 kutoka Wasso kwenda Makao Makuu Loliondo nacho kipo kwenye hatua ya manunuzi ili kijengwe kwa kiwango cha lami, Mtu akitoka Makamo Makuu ya Wilaya anakuja Wasso anaendelea na lami" ameongeza Naibu Waziri Kasekenya.