Waziri Makonda Atupilia Mbali Matangazo ya Jezi Mpya za Timu za Taifa. Mkataba wa mzabuni wa jezi hizo kuchunguzwa

Waziri Makonda Atupilia Mbali Matangazo ya Jezi Mpya za Timu za Taifa. Mkataba wa mzabuni wa jezi hizo kuchunguzwa

Jannatul Firdaus

Jannatul Firdaus

JF-Expert Member
Joined
Aug 4, 2026
Posts
446
Reaction score
1,113
Waziri wa Habari, Utamaduni, Sanaa na Michezo, Mhe. Paul Christian Makonda (Mb), ametangaza kutotambua matangazo ya jezi mpya za Timu za Taifa.

Hatua hii imekuja baada ya mchakato wa kubadilisha jezi hizo kufanyika bila kuishirikisha Wizara, kinyume na maelekezo yaliyotolewa hapo awali mwezi Februari 2026.

Akitangaza uamuzi huo kupitia Taarifa kwa Umma iliyotolewa leo, Tarehe 18 Septemba, 2026 jijini Dodoma na Kaimu Mkuu wa Kitengo cha Mawasiliano Serikalini, Zaituni Mkwama, Mhe.

Makonda ameeleza kuwa uamuzi huo umezingatia kuwa Serikali inawekeza fedha nyingi katika kugharimia na kuandaa timu hizo. Aidha, kutokana na Tanzania kujiandaa kuwa mwenyeji wa mashindano ya Kombe la Mataifa ya Afrika mwaka 2027 (AFCON 2027), kuna haja ya kuhakikisha jezi za timu za taifa zinaakisi manufaa mapana ya kiuchumi na kijamii kwa nchi.

Ili kutatua suala hili, Wizara itaunda kamati maalumu ya kuchunguza mkataba wa mzabuni wa jezi hizo. Kamati hiyo itakuwa na jukumu la kubaini manufaa ya mkataba huo kwa timu za taifa na kuhakikisha fursa za mauzo ya jezi zinachangia ipasavyo katika uendeshaji wa timu, badala ya kuiachia Serikali pekee kubeba mzigo wa gharama.

Shirikisho la Mpira wa Miguu Tanzania (TFF) limesema kuwa changamoto na mjadala unaoendelea kuhusu jezi rasmi za Timu ya Taifa ‘Taifa Stars’ hivi sasa unashughulikiwa na mamlaka za juu.

Kauli hiyo imetolewa leo na Msemaji wa TFF, Clifford Mario Ndimbo, wakati akijibu swali la mwandishi wa habari wa Ayo TV aliyetaka ufafanuzi kuhusu jezi sahihi wanazopaswa kununua mashabiki, kufuatia sintofahamu na mijadala iliyosambaa kwenye mitandao ya kijamii.

Ndimbo amewatoa hofu mashabiki na kuwasihi kuwa wavumilivu wakati jambo hilo likifanyiwa kazi, akisisitiza kuwa timu ya taifa haijawahi kukabiliwa na uhaba wa mavazi ya michezo wakati wa mechi zake.

MAKONDA.jpg

Pia soma: Makonda azikataa jezi mpya za Taifa Stars. Adai ziko chini ya kiwango na kung'aka "Tuheshimiane"
 
Expensive life said:
Hivi Tff si ndio wanasimamia haki zote za timu ya Taifa? Serikali anabaki kuwa mshauri tu?
Click to expand...
Sahihi kabisa Mkuu

TFF na sio Wizara ya Michezo inayohusika na mambo ya National Soccer Team kit kuanzia jezi, viatu na vifaa vingine

Kwamba mikataba yote ya vitu hivyo inasimamiwa na TFF na kama serikali itaingia basi ni kama mshauri au mfadhili

Serikali ingejikita kwenye usimamizi wa miundombinu ya michezo kama viwanja vya kuchezea, viwanja vya mazoezi, barabara na miundombinu mingine kuelekea viwanjani ikiwa ni pamoja na kuhamasisha ujenzi wa hoteli bora na huduma nzuri kwa wageni.

Pia kama inaweza Serikali isaidie kupata kocha wa viwango vya kimataifa na kumlipa mshahara na sio kuanzisha bifu kwenye mikataba ya ununuzi wa jezi. Hiyo sionkazi ya serikali

Kwa mwenendo huo wa kukataka kuingilia mambo ya ndani ya taasisi hii huru ya TFF ipo siku hata kikosi cha timu ya taifa kitapangwa Wizarani
 
Wizara ya habari, Utamaduni Sanaa na Michezo leo Septemba 18 imefafanua kuwa Waziri wake Paul Makonda anatarajiwa kuunda Kamati ya kuchunguza mkataba wa mzabuni wa jezi za Taifa Stars ili kubaini manufaa ya makataba huo kwa Timu za Taifa.

Taarifa ya Wizara hiyo imeeleza kuwa Waziri huyo hatambui matangazo ya jezi za Timu za Taifa kwakuwa mchakato wa kuzibadilisha jezi hizo haukushirikisha Wizara hiyo licha ya maelekezo aliyoyatoa mwezi February 2026.
 
Baada ya naibu waziri Mwana FA kupost jezi ya timu ya taifa, Taifa stars mh waziri Paul makonda aliibukia kwenye page ya millard ayo na kusema TAIFA stars kwa ubora wake hatuwezi kuwa na jezi za kiwango cha chini na waache kutumia picha ya naibu waziri wake uku ofisi yake ikiwa haijui chochote na kusisitiza waheshimiane.

Licha ya msisitizo mkali lakini clouds media, na wana habari wengine waliendelea kupost jezi ya taifa stars na kuwaambia watu waende wakanunue kwenye maduka yote ya Sunderland.

Leo kuna taarifa imeibuka makonda kuunda kamati kuunda na kuchunguza mkataba wa jezi je Sunderland atapona? Au ndio sababu ya kumrudisha gungu kigoma Je wataweza kupona kwenye mkono wa mighty makonda? Nadhani hamzielewi show zake.
 
Prakatatumba abaabaabaa said:
Baada ya naibu waziri Mwana FA kupost jezi ya timu ya taifa, Taifa stars mh waziri Paul makonda aliibukia kwenye page ya millard ayo na kusema TAIFA stars kwa ubora wake hatuwezi kuwa na jezi za kiwango cha chini na waache kutumia picha ya naibu waziri wake uku ofisi yake ikiwa haijui chochote na kusisitiza waheshimiane.

Licha ya msisitizo mkali lakini clouds media, na wana habari wengine waliendelea kupost jezi ya taifa stars na kuwaambia watu waende wakanunue kwenye maduka yote ya Sunderland.

Leo kuna taarifa imeibuka makonda kuunda kamati kuunda na kuchunguza mkataba wa jezi je Sunderland itapona? Je wataweza kupona kwenye mkono wa mighty makonda? Nadhani hamzielewi show zake.
Click to expand...
ok.,🐒
 
You must log in or register to reply here.

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register