DOKEZO Malalamiko kuhusu ukiukwaji wa maadili na matumizi mabaya ya madaraka katika chuo kikuu cha Teofile Kisanji Mbeya

Hili ni dokezo maalum toka kwa mwananchi mtumiaji wa JF mwenye nia ya kuusaidia umma kuwa na taarifa 'maalum'
A

Anonymous

Guest
Wanafunzi na baadhi ya walimu katika upande wa afya wanatoa tuhuma dhidi ya viongozi watatu wa chuo ambao ni Liberatus Phillip (Mkuu wa Chuo upande wa Afya), Sylvester Mgeta (Mtathmini Ubora) na John Michael Henry (Mkuu wa Idara ya Famasi), wakidai kuwa wamekuwa wakijihusisha na vitendo mbalimbali vinavyokiuka taratibu na maadili ya uongozi.

Miongoni mwa tuhuma zinazotolewa ni pamoja na:

  1. Rushwa na upendeleo kwa wanafunzi na walimu:
    Inadaiwa kuwa baadhi ya viongozi hao wamekuwa wakiwataka wanafunzi na walimu kutoa rushwa ya fedha au ngono ili kupata ufaulu, alama nzuri, au upendeleo mwingine ikiwemo kupewa mwongozo wa majibu ya mitihani (marking guides).
  2. Uvunjaji wa taratibu za mitihani:
    Wanatuhumiwa kuvujisha mitihani kwa wanafunzi, jambo linalodaiwa kukiuka sheria na kanuni za mitihani.
  3. Vitisho na lugha zisizofaa kwa walimu:
    Inadaiwa kuwa baadhi yao wamekuwa wakitumia lugha za kudhalilisha kwa walimu na kuwatishia kuwaondoa kazini.
  4. Matumizi mabaya ya fedha za chuo:
    Kuna madai ya fedha zilizotengwa kwa matumizi mbalimbali ya chuo, ikiwemo posho za walimu, kutumika kinyume na malengo yaliyokusudiwa.
  5. Kubadilishwa kwa matokeo ya wanafunzi:
    Mkuu wa Idara ya Famasi anatuhumiwa kubadili baadhi ya matokeo ya wanafunzi wenye alama za chini ili waonekane wanakidhi vigezo vya kufanya mitihani ya mwisho wa muhula.
  6. Kufundisha bila sifa stahiki:
    Mkuu wa Chuo upande wa Afya anatuhumiwa kufundisha masomo ya Famasi, Uuguzi na Udaktari bila kuwa na usajili au sifa zinazotakiwa kutoka kwenye mabaraza husika ya kitaaluma.
  7. Kutokuwa na sifa za nafasi ya uongozi:
    Pia kuna madai kuwa uteuzi wake kama Mkuu wa Chuo upande wa Afya haukuzingatia vigezo vinavyotakiwa kwa mujibu wa miongozo husika.

Sababu za kuwasilisha malalamiko haya​

Mtoa taarifa anasema njia za ndani za mazungumzo na vikao hazijasaidia kutatua changamoto hizo, na badala yake hali imeendelea kuwa mbaya. Lengo la kutoa taarifa hizi ni kuzifikisha kwa mamlaka husika ili hatua stahiki zichukuliwe.

Wito kwa mamlaka husika​

  • Uongozi wa chuo ufanye uchunguzi huru na, ikiwa itathibitika, uchukue hatua dhidi ya wahusika.
  • Vyombo vya uchunguzi na taasisi husika ikiwemo Polisi, PCCB, Wizara ya Elimu, NACTE na mabaraza ya kitaaluma vifuatilie tuhuma hizo kwa mujibu wa sheria.
  • Taasisi za kutetea haki za wanawake, ikiwemo TAWLA, zifuatilie madai ya wanafunzi wa kike kudaiwa kuombwa rushwa ya ngono na kuchukua hatua za kisheria endapo itathibitika.
Mtoa taarifa anaeleza kuwa hayo ni baadhi ya malalamiko yaliyowasilishwa na anaamini uchunguzi wa kina utaweza kubaini ukweli zaidi, huku akisema yuko tayari kutoa ushirikiano na taarifa za ziada kupitia njia rasmi.
 
Aiseee
 
Mtoa taarifa anasema njia za ndani za mazungumzo na vikao hazijasaidia kutatua changamoto hizo, na badala yake hali imeendelea kuwa mbaya. Lengo la kutoa taarifa hizi ni kuzifikisha kwa mamlaka husika ili hatua stahiki zichukuliwe.
Naweza kukubaliana na mtoq taarifa kuwa njia za ndani kwa chuo hiki huwa hazitoi suluhisho, wanabebana sana. Nakumbuka mwaka 2020 hivi, uongozi wa chuo hicho ulipiga Bilioni 4 zilizokuwa za mkopo CRDB, badala ya wahusika kuchukuliwa hatua na kulipishwa, deni likapelekwa makanisani Moravian (ambao ndio wamiliki wa chuo hicho) na wamumini kulazimishwa kuchangia kwa kutishiwa kuwa usipotoa hubarikiwi na Mungu. Yaani waliopiga hela wanajulikana, mali zao zinafahamika halafu deni wanalilipa waumini ambao wanaitwa kondoo.
 
Uko sahihi , nilikuwa ni miongoni mwa wajumbe wa kikao cha viongozi kutoka idara na bodi za Jimbo flani la kanisa la Moravian tuliopinga huu UJINGA wa kulipa deni la CRDB bank wakati walikula fedha wanajulikana.
 
Uko sahihi , nilikuwa ni miongoni mwa wajumbe wa kikao cha viongozi kutoka idara na bodi za Jimbo flani la kanisa la Moravian tuliopinga huu UJINGA wa kulipa deni la CRDB bank wakati walikula fedha wanajulikana.
Yaani watu wafanye ufisadi waziwazi halafu deni walipishwe kondoo sababu ni 'kondoo'. Kanisa lilifeli sana kushindwa kusimamia uwajibikaji
 
Siwezi kushtumu ila kama ingekuwa PCCB wanafanya kazi ile uhakika , yaani wawe huru kufanya uchunguzi , ni taasisi nyingi sana zinafanya hivyo ..Hawa viongozi wanajiona ni miungu watu , wao kupigania maslahi yao tu sio ya wengine .
 
Cookies are required to use this site. You must accept them to continue using the site. Learn more…