Malipo ya mafao ya mstaafu kwa mujibu wa sheria za hifadhi ya jamii Tanzania

Malipo ya mafao ya mstaafu kwa mujibu wa sheria za hifadhi ya jamii Tanzania

DOMINGO THOMAS

JF-Expert Member
Joined
Feb 16, 2023
Posts
368
Reaction score
382
Baada ya mwanachama kustaafu rasmi utumishi wake, Mfuko wa Hifadhi ya Jamii husika unatakiwa kuchakata na kulipa mafao ya mstaafu ndani ya siku sitini (60) tangu kukamilika kwa nyaraka zote muhimu za madai ya mafao.

Kisheria, masharti haya yameainishwa wazi katika sheria mbalimbali za hifadhi ya jamii kama ifuatavyo:

1. Ucheleweshaji wa Malipo ya Mafao na Ulipaji wa Riba (Adhabu)
Sheria inaelekeza kuwa endapo:
• Mfuko utashindwa kulipa mafao ndani ya siku 60, na
• Mstaafu hakuwa chanzo cha ucheleweshaji huo,

basi mfuko unawajibika:
• Kulipa kiasi halisi cha mafao (principal sum), na
• Kulipa riba/adhabu (penalty) kuanzia siku ya 61 hadi siku ambayo malipo halisi yatakapofanyika.

2. Kwa Mujibu wa Sheria ya Mfuko wa Taifa wa Hifadhi ya Jamii (NSSF)
Kwa mujibu wa Sheria ya National Social Security Fund Act [CAP. 50 R.E. 2018], Kifungu cha 49, kinaeleza kama ifuatavyo:
• Kifungu cha 49(1):
Mwajiri anatakiwa, ndani ya miezi sita (6) kabla ya tarehe ya kustaafu kwa mfanyakazi, kuuarifu Mfuko kwa maandishi kuhusu tarehe ya kustaafu kwa mfanyakazi huyo.

• Kifungu cha 49(2):
Mfuko unatakiwa, ndani ya siku sitini (60) baada ya tarehe ya kustaafu, kumlipa mwanachama mafao yake ya pensheni ya uzeeni.

• Kifungu cha 49(3):
Endapo Mfuko utashindwa kulipa mafao hayo ndani ya muda uliopangwa, na mwanachama hakuwa sababu ya ucheleweshaji, Mfuko utawajibika kulipa:
o Kiasi halisi cha mafao, pamoja na adhabu ya riba ya asilimia kumi na tano (15%) kwa mwaka ya kiasi hicho.


3. Kwa Mujibu wa Sheria ya Mfuko wa Hifadhi ya Jamii kwa Watumishi wa Umma (PSSSF)

Kwa mujibu wa Sheria ya Public Service Social Security Fund Act, Na. 2 ya Mwaka 2018, Kifungu cha 43, kinaeleza yafuatayo:

• Kifungu cha 43(1):
Mwajiri anatakiwa, ndani ya miezi sita (6) kabla ya tarehe ya kustaafu kwa mtumishi wa umma, kuuarifu Mfuko kwa maandishi kuhusu tarehe ya kustaafu kwa mtumishi huyo.

• Kifungu cha 43(2):
Mfuko unatakiwa, ndani ya siku sitini (60) baada ya tarehe ya kustaafu, kumlipa mwanachama mafao yake ya pensheni ya uzeeni.

• Kifungu cha 43(3):
Endapo Mfuko utashindwa kulipa mafao hayo ndani ya muda uliobainishwa, na mwanachama hakuwa chanzo cha ucheleweshaji, Mfuko utalazimika kulipa:
o Kiasi halisi cha mafao, pamoja na adhabu ya riba ya asilimia tano (5%) kwa mwaka ya kiasi hicho.


4. Madhumuni ya Masharti Haya ya Kisheria

Masharti haya yamewekwa kwa lengo la:

• ✔ Kulinda haki na maslahi ya wastaafu,
• ✔ Kuhakikisha mafao yanalipwa kwa wakati, na
• ✔ Kuiwajibisha mifuko ya hifadhi ya jamii endapo itasababisha ucheleweshaji usio na sababu za msingi.


Imeandaliwa na
Thomas Ndipo Mwakibuja
Social Protection Expert,
📍 Kigoma, Tanzania
📞 Phone: +255 767 879 281
📧 Email: [email protected]View attachment 3537401
f1361f1c-1045-4c6f-a7e7-fb84d442ff41.png
 
Back
Top Bottom