MR LINKO
JF-Expert Member
- Aug 20, 2016
- 3,034
- 3,526
Mkuu malizia kipande cha malipoo na gharama za magariii ya huko yakoje na kodii vipii.Salaam,
Katika kujadili masuala mbalimbali yanayohusu magari, nilipata kuweka moja ya mitandao wa uuzaji na ununuaji wa magari Uingereza.
Mtandao huu unaitwa Autotrader, ni moja mitandao maarufu na ya uhakika katika kununua na kuuza magari (mapya na yaliyotumika).
Sasa ndugu Bavaria alipata kuniuliza kama nimeshawahi kutumia mtandao huo kununua gari. Nikahisi pengine ana wasiwasi na mtandao huo.
Hivyo basi, kwa msaada wake na wale wengine wote ambao wanatamani kununua magari Uingereza, nikaona nitoe kidogo uzoefu wangu katika hili.
Sina uzoefu na ununuaji wa magari Japan au sehemu zingine zaidi ya Uingereza. Hivyo ninachokisema hapa pengine kinaweza kikawa kina bias. Ila naamini hakuna sehemu salama ya kununua magari kama Uingereza. Kwanini? Sababu kubwa ni uwazi wa taarifa za gari husika.
Serikali ya Uingereza kupitia mtandao wake mkuu wa idara zote za serikali Welcome to GOV.UK, imeweka mwongozo mzuri sana kwa mtu anayetaka kununua gari lililotumika Uingereza, ili kujua kama gari ni la wizi au si salama kutumika barabarani.
Angalia mwongozo huo hapa: Check a used vehicle you’re buying. Mwongozo una mambo makuu manne:
Moja, unashauriwa kumuuliza muuzaji namba ya usajili wa gari, aina ya gari na model yake. Uzuri kwenye mtandao wa Autotrader UK, gari nyingi zilizotumika uwekwa picha zenye kuonyesha namba ya usajili wa gari. Angali mfano hapa chini:
View attachment 1600343
View attachment 1600344
Namba ya usajili ya gari hilo ni LG68 DFU.
Pili, serikali ya Uingereza kupitia wizara ya usafiri (Ministry of Transport - MOT) ina utaratibu wa kupima ubora na uthamani wa gari kutumika barabarani. Na pia kupima kiwango cha uchafuzi wa hewa wa gari husika. Kipimo hiki kinajulikana kama MOT test. Ni kipimo cha lazima. Hivyo kwa hatua ya pili, mnunuzi baada ya kuwa umemwomba muuzaji namba ya MOT test, unapaswa kuhakiki historia ya gari husika kwenye ubora na uthamani wake. Unaweza kufanya hivyo kupitia mtandao huu: Check the MOT history of a vehicle. Utakutana na interface hii:
View attachment 1600421
Kwa kuwa ushafahamu namba ya usajili wa gari unalolitaka, basi bonyeza hapo kwenye 'Start now'.
View attachment 1600423
Hapo ingiza namba ya usajili ya gari unalolitaka. Kwa leo natumia mfano wa namba ya gari hilo hapo juu. Kisha utaona hivi:
View attachment 1600432
Kama unavyooona hapo juu, kwa mfano wa gari hilo, MOT yake imeshakwisha mwanzoni mwa mwezi huu. Unaweza kuona hadi cheti chake cha ukaguzi na mahali ukaguzi ulipofanyikia. Hicho cheti pia kitakuonyesha kama namba ya MOT test aliyokupa mnunuzi ni ya ukweli ama siyo.
Tatu, katika kuhakikisha ukweli hizo taarifa, serikali kupitia wakala wa utoaji leseni za madereva na magari (Driver and Vehicle Licensing Agency - DVLA) imeweka utaratibu wa mnunuzi kuhakiki taarifa za gari kupitia website hii: Get vehicle information from DVLA. Hapa kazi kubwa ni kutumia namba ya usajili ya gari ili kuhakiki na kujua kama gari ni salama (ikimaanisha kama gari limepata kipimo cha ubora - MOT test) na si la wizi. Unachopaswa kufanya ni kuingia kwenye website hii
View attachment 1600390
Kisha bonyeza hapo kwenye mahala pameandikwa 'Start now'. Ukifanya hivyo utapata interface ya namna hii:
View attachment 1600399
Ingiza namba ya usajili wa gari. Hapa nitatumia mfano wa namba ya usajili wa gari niliyoiweka hapo juu. Na ukifanya hivyo itatokea kama hivi:
View attachment 1600408
Kama taarifa za aina ya gari uliloona namba hiyo ya usajili ni sahihi, basi chagua 'Yes', kisha bonyeza 'Continue'. Na utapata interfaces hizi
View attachment 1600413
View attachment 1600416
Hapo taarifa za msingi zote za gari utaziona.
Na jambo la nne na la mwisho, ni kuhakiki kama gari imeshawahi kurudishwa kiwandani kutokana na tatizo kubwa la kiusalama ama siyo. Kama kuna limeshawahi kurudishwa ni vizuri tu kuachana na hilo gari, hata kama unaweza kuwasiliana na mtengenezaji ili akusaidie bure katika kukabiliana na tatizo husika. Unaweza kuhakiki kama gari limeshawahi kurudishwa kupitia mtandao huu: Check if a vehicle, part or accessory has been recalled. Hapa namba ya usajili wa gari ni muhimu pia.
Cheki utakavyoona ukiingia kwenye mtandao huo:
View attachment 1600436
Ingiza namba ya usajili wa gari na utaona hivi:
View attachment 1600437
Kwa mfano wa hili gari, inaonyesha halijawahi kurudishwa kiwandani kwa suala lolote kubwa la kiusalama.
Ukishafanya hayo yote na ukaridhika na uhakiki, basi hapo ni kuendelea mpango wa ununuzi. Mwombe muuzaji akupatie kitu inaitwa 'log book'.
Mfano wake unakuwa hivi:
View attachment 1600463
View attachment 1600464
Kama nakumbuka sahihi, hiyo nyekundu ndiyo inatumika sasa. Log book ni cheti cha usajili wa gari; kwa umaarufu inajulikana kama V5C, ambayo inaonyesha nani anapaswa kulisajili na kulilipia kodi gari husika. Log book inapaswa kuwa na serial namba hapo juu na watermark iliyoandikwa 'DVL'. Sasa kutokana na wizi wa magari, serikali kupitia polisi imetoa angalizo kwamba kama log book ina serial namba kati ya BG8229501 hadi BG9999030 au BI2305501 hadi BI2800000, basi hiyo log book ni ya kimagumashi, na uwezekano ni kuwa gari ni la wizi. Hivyo achana na hilo gari haraka sana. Ukiweza wataarifu polisi wa Uingereza.
Log book itakuwa na taarifa zote za gari. Na itakuwa na taarifa za namba ya engine na chassis . Ni vizuri kuzihakiki hizi pia kwa kulinganisha kilichoandikwa kwenye log book. Kama uko mbali, mwombe muuzaji hata apige picha na kukutumia ili uone.
Nafikiri haya niliyoyaweka ndiyo mambo ya msingi kwa mtu anayetaka kuhakiki taarifa za gari lililotumika Uingereza. Mambo mengine wadau wengine wanaweza kuongezea.
Sent using mt4 app