KERO Mamlaka ya maji Wilaya ya Musoma imeshindwa kazi, kwani wiki mbili sasa hatuna maji na hakuna taarifa rasmi

KERO Mamlaka ya maji Wilaya ya Musoma imeshindwa kazi, kwani wiki mbili sasa hatuna maji na hakuna taarifa rasmi

Hii ni kero ambayo mwananchi ameiwasilisha JF akitaka wahusika kuchukua hatua
A

Anonymous

Guest
Mamlaka ya Huduma ya Maji Safi na Usafi wa Mazingira Wilaya ya Musoma, Mkoa wa Mara, imeshindwa kutoa huduma ya maji kwa wananchi wake kwa kipindi cha zaidi ya wiki mbili sasa.

Wananchi wa kata za Buhare, Rwamlimi na Nyakato wameathirika kwa kiasi kikubwa kutokana na ukosefu wa huduma hiyo muhimu, huku mamlaka husika ikishindwa kutoa taarifa ya wazi kuhusu chanzo cha tatizo hilo na muda wa kurejesha huduma.

Tunaomba Mamlaka ya Maji Musoma itoe ufafanuzi kwa wananchi kuhusu sababu za kukosekana kwa maji kwa muda mrefu kiasi hicho. Je, tatizo ni nini hasa, na ni hatua gani zinachukuliwa kuhakikisha huduma ya maji inarejea haraka?

Soma Pia: Wiki tatu bila maji: Wananchi wa Unyinga, Mamise na Unyakumi tunataka ufafanuzi kutoka SUWASA

Wananchi wanahitaji taarifa sahihi na huduma bora kwa kuwa maji ni hitaji la msingi la maisha ya kila siku.
 
Musoma mjini tatizo la maji ni la Miaka mingi sana. Nakumbuka Miaka hiyo maji yalikuwa yanatoka bombani saa 8 usiku. Ule mjini kwa swala la maji na umeme Miaka hiyo lilikuwa sugu sana. Nakumbuka kulikuwa na mtambo mbovu mpaka wanafunzi wa Mara secondary walikuwa wanabeba makalai Yao ya kupakulia chakula wakawa wanafuata maji mwaloni mwisenge karibu na musoma hotel. Aibu sana, mji wenyewe watu kidogo tu na unazungukwa na ziwa Victoria lakini maji hakuna. ovyo sana. Viongozi wa kisiasa wa musoma wajuaji kama nini lakini maendeleo zero.
 
Back
Top Bottom