Nadhani zimeshapita siku mbili sasa tokea Emmanuel Nchimbi [mimi simuiti makamu wa Rais kwa sababu hakuchaguliwa kushika hiyo nafasi] azungumzie mambo ya katiba mpya, uanaharakati, na mengineyo.
Soma Dkt. Nchimbi: Hakuna sheria inayotengua Katiba. Watanzania pambaneni kupata Katiba mpya
Katika huu muda wa siku hizi mbili nimeyafikiria kwa kina, upana, na urefu wa hayo aliyoyazungumza.
Kwa juu juu, aliyoyazungumza, ni maneno flani matamu matamu maana kazungumza yale ambayo wengi wetu tunataka kuyasikia.
Kwa sisi ambao huishi maisha kwa kutumia kanuni, maneno aliyoyazungumza Nchimbi hayana maana yoyote ile kwa sababu hayalingani na matendo yake na yale ya wenzake.
Baadhi yetu huwa tunaishi kwa kanuni ya ‘nionyeshe matendo yako kuliko vile ambavyo unaweza kunielezea kwa maneno pekee [show me better than you can tell me].
Huyu Nchimbi ni haramu. Hakuna mtu aliyemchagua awe makamu wa Rais.
Baada ya kuua maelfu ya Watanzania, yeye na mwenzake Samia wakakimbilia kujiapisha kwenye kambi ya jeshi huku wakijua kabisa kuwa hakuna aliyewapigia kura.
Hapo maana yake ni kwamba walipora madaraka.
Huyo Nchimbi mpaka leo hii hajawahi kusema chochote kuhusu maelfu ya Watanzania waliouwawa na serikali ya chama chao ili tu waendelee kukaa madarakani.
Kwa maneno hatujui anasimama wapi ila tukiangalia matendo yake tunajua pasipo na shaka kuwa anaunga mkono mauaji yaliyofanyika.
Mtu yeyote mwenye dhamiri iliyo safi hawezi kukaa kimya halafu kwa wakati huo huo akawa sehemu ya hao waliopora madaraka kwa kumwaga damu mpaka za watoto wadogo kabisa.
Nchimbi hajaonyesha kusikitishwa na hayo mauaji.
Hajaenda hata kwenye msiba mmoja wa hao watu waliouliwa.
Hajakemea mauaji ya watoto yaliyofanyika.
Hajatoa hata pole kwa yeyote yule aliyeondokewa na mpendwa wake hiyo siku ya Oktoba 29.
Kwa ufupi ni kajikausha kana kwamba hakuna kilichotokea siku hiyo.
Mtu mwenye akili timamu na mwenye nia ya dhati kabisa ya kutaka kuibadilisha Tanzania, utarukaje hayo mauaji na kuanza kuongelea mambo ya katiba mpya?
Watanzania tunawezaje kwenda kwenye mambo ya katiba mpya bila kuujua ukweli wa Oktoba 29, kuhakikisha kunakuwepo na uwajibikaji wa waliohusika akiwemo Samia, na kuazimia kuwa hayo hayatatokea tena?
Mimi siwezi kumpongeza Nchimbi kwa maneno matupu yasiyoendana na matendo ya kundi lake.
Show me better than you can tell me and we may talk.
Other than that, you can either go kick rocks or go pound sand somewhere…..