Mangungu na Magori waweka mambo sawa Simba, wasitisha Mvutano wa Baraza la Wadhamini

[Waufukweni]

Bodi ya Wakurugenzi ya Klabu ya Simba imefikia uamuzi wa kusimamisha kwa muda masuala na matukio yote yaliyokuwa yakiendelea kuhusiana na Baraza la Wadhamini la klabu hiyo, ili kutoa fursa kwa uongozi kuangazia maandalizi ya msimu mpya wa mashindano.

Uamuzi huo umefikiwa katika kikao cha Bodi kilichokaa jana, Agosti 3, 2026. Kupitia taarifa rasmi kwa umma iliyotolewa leo Agosti 4, 2026, Bodi imeeleza kuwa katika kipindi hiki nguvu na jitihada zote zitajikita katika kushughulikia masuala muhimu ya usajili wa wachezaji, maandalizi ya tamasha la Simba Day, mchezo wa Ngao ya Jamii pamoja na maandalizi ya Ligi Kuu.

Soma > Magori: Kikao cha Bunju ni batili, haukuwa Mkutano Mkuu rasmi wa Simba

Uongozi wa klabu hiyo, kupitia Mwenyekiti wa Bodi ya Wakurugenzi, Crescentius Magori, na Makamu Mwenyekiti, Murtaza Mangungu, umetoa wito kwa kauli moja ukiwasihi wanachama, mashabiki na wapenzi wa Simba kusimama pamoja na klabu yao. Bodi imesisitiza kuwa ushirikiano huo ni muhimu katika kuhakikisha klabu inapata mafanikio makubwa katika msimu huu mpya unaoanza hivi karibuni.

 

[Tate Mkuu]

Mitano 🖐️ tena kwa Mwenyekiti wetu Mangungu

 

[Tresor Mandala]

Funika kombe mwanaharamu apite..huo mgogoro ni kikatiba na Sheria na sio wa vikao Vya kupozana na Kisha kuja na tamko la kuwatuliza wapenzi ( nasema wapenzi na sio Wanachama)

 

[Etwege]

Mangungu amekubali kuwa makamu mwenyekiti, kwisha habari yake

 

[Mawele]

Klabu ya Simba imetangaza kusimamisha kwa muda masuala yote yaliyokuwa yakiendelea kuhusu Baraza la Wadhamini, kufuatia uamuzi uliofikiwa katika kikao cha Bodi ya Wakurugenzi kilichofanyika Agosti 3, 2026.

Kupitia taarifa iliyotolewa leo Agosti 4, 2026 Bodi imeeleza kuwa imeamua kusimamisha matukio yote yaliyotokea awali kuhusiana na Baraza la Wadhamini hadi itakapotolewa taarifa nyingine.

Katika kipindi hicho, Bodi imesema itaelekeza nguvu zake katika masuala muhimu yanayohusu klabu, ikiwemo mchakato wa usajili wa Wachezaji, maandalizi ya Simba Day, mchezo wa Ngao ya Jamii pamoja na maandalizi ya Ligi Kuu ya Tanzania Bara kwa msimu ujao.

Aidha, Bodi imewasihi Wanachama na wapenzi wa Simba kuendelea kuiunga mkono klabu hiyo ili kuhakikisha inapata mafanikio makubwa katika msimu unaotarajiwa kuanza hivi karibuni.

Taarifa hiyo imesainiwa na Mwenyekiti wa Bodi ya Wakurugenzi wa Simba, Crescentius Magori pamoja na Makamu Mwenyekiti wa Bodi, Murtaza Mangungu

 

[bullar]

Tunadanganyana tu hapa hakuna maridhiano ngoja tarehe 12 tukikandwa tuone kama haya maneno ni ya ukweli

 

[Mtoto wa Shule]

Funika kombe mwanaharamu apite..huo mgogoro ni kikatiba na Sheria na sio wa vikao Vya kupozana na Kisha kuja na tamko la kuwatuliza wapenzi ( nasema wapenzi na sio Wanachama)

Kuna mgogoro gani wa kikatiba Simba?

 

[Tresor Mandala]

Kuna mgogoro gani wa kikatiba Simba?

Muulize Mangungu au Mkwabi,hapo mmoja ni Mwenyekiti wa Sasa , mwingine ni Mwenyekiti aliyepita, wenye dhamana ya kulinda na kuitetea Simba

 

[Smart911]

Ahsante kwa taarifa...


Cc: Mahondaw