Maoni yangu binafsi juu ya masuala mbalimbali yanayoendelea duniani

Uchimbaji wa makaa ya mawe umebuma mwekezaji anataka aondoke nayo bila kutuachia hata sumni.

Na hawa mazezeta wetu wako bize wanajadili mgao wao

Uchimbaji wa simenti Tanga umekwama kisa mwekezaji hataki kuchangia uchumi wa nchi hii

Na watawala wanaona ganda la muwa la jana ni fursa ya kukata kidali chao

Sheria za kuwabagua wawekezaji kutoka nje wasilipe kodi zinalenga kutoa mwanya wa watawala kudai hongo

Huwa tunauliza mtupe takwimu tangia Orthello apewe Loliondo mchango wake kwenye bajeti ya serikali kila mwaka uko wapi?

Hadi leo hatujajibiwa

Huwa tunauliza mchango wa wachimbaji wakubwa wa madini kwenye bajeti ya serikali uko wapi?

Hakuna anayetupatia majibu

Tunachoona ni kasi ya kukopa madeni ambayo kila mmoja wetu anajua hayalipiki

Tunachoona ni vuvuzela la wataalamu kudai mzigo wa madeni unabebeka lakini hawatuelezi wametumia vigezo vipi kuhitimisha hivyo

Tunachoona ni riba za kuyalipa madeni zinapaa kila kukicha

Tunachoona majukumu ya serikali kama afya, elimu na miundombinu tunabebeshwa sisi tusiyo na hatia

Tunachoona watawala kila kukicha wanatunga sheria za mafao ya kuboresha hali zao huku kikotoo cha wanyonge kikiendelea kubinywa

Tunachoona watawala kila kukicha wanajipandishia kimya kimya mishahara na marupurupu huku ya watu baki inaendelea kudumaa

Tunasema sheria zimetumika visivyo na kujenga matabaka ya matajiri na masikini

Tozo, mifuko ya bima ya afya na bodi za mikopo ya elimu ni ushahidi watawala kazi imewashinda

Bima ya afya ya nini na wewe una wawekezaji?

Bodi ya mikopo ya nini na wewe una wawekezaji?

Tozo za nini na wewe una wawekezaji?

Sheria za kodi, masilahi ya watawala, wawekezaji, Bima ya afya, Miundombinu na bodi ya mikopo ya elimu kwa pamoja zinajenga tanuru za vita vya wenyewe kwa wenyewe