Mapadri Katolikiwawili wafa maji

kilimasera · 2011-01-13T20:40:11+00:00

MAPADRI wawili wa Kanisa Katoliki wamekufa maji wakiogelea katika ufukwe wa Bahari ya Hindi. Mapadri hao ni Katibu wa Ubalozi wa Vatican nchini, Degn Maxime (35), raia wa Ivory Coast na John Rocksler (59), raia wa Ujerumani, aliyekuwa Mkuu wa Nyumba ya Shirika la Wabenedictin iliyoko Mivinjeni, Dar es Salaam. Kamanda wa Polisi mkoa wa Temeke, David Misime, alisema mapadri hao walikufa baada ya kuzama na kunywa maji mengi walipokuwa wakiogelea ufukweni katika hoteli ya Kasa, iliyopo Kigamboni. Misime alisema Padri Rocksler alikuwa akiishi Baraza la Maaskofu Katoliki Tanzania (TEC), Kurasini. Alisema tukio hilo lilitokea juzi saa 10.30 jioni na kwamba, mapadri hao walifika hotelini hapo saa tano asubuhi kwa usafiri wa gari aina ya Land Rover, lenye namba za usajili T 1480 AXK. Misime alisema vifo vyao vinatokana na kushindwa kuogelea kwenye kina kirefu cha maji na kwamba, maiti zimehifadhiwa katika Hospitali ya Taifa Muhimbili (MNH) kwa uchunguzi zaidi. Katika tukio lingine, moto uliozuka ghafla kwenye nyumba yenye vyumba vitatu vya ofisi, umeteketeza chumba kimoja na mali iliyokuwemo ndani. Alisema mali iliyoteketea ni ya Dk. Ashock Salum na Tina Urera. Kamanda wa Polisi mkoa wa Kinondoni, Charles Kenyela, alisema tukio hilo lilitokea juzi, saa moja usiku, eneo la Mwananyamala. Kenyela alisema chanzo cha moto huo na thamani ya mali iliyoteketea haijafahamika.

Thread starter kilimasera
Start date Jan 13, 2011

kilimasera

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mapadri Katolikiwawili wafa maji

kilimasera

JF-Expert Member

Our Community

Regional Communities