Mawakili: Mwandambo amefikishwa mahakamani bila ndugu wala mawakili kujua!

[Makumbele]

Taarifa za Hivi Punde, leo Januari 10, 2026

Clemence Mwandambo mkazi wa Mbeya aliyekamatwa tarehe 29.12.2025 amefikishwa Mahakama ya Wilaya ya Temeke Jana tarehe 9 Januari 2026 na Jeshi la Polisi bila ndugu zake au sisi Mawakili wake kujua!

Pamoja na Juhudi za kutafuta alipokuwa amehifadhiwa tangu tarehe 29.12.2025, taarifa za kuhifadhiwa kwake hatukuweza kuzipata kwa sababu ya Jeshi la Polisi Mkoa wa Mbeya kutokuwa wakweli juu ya sehemu anayoshikiliwa Clemence Mwandambo.

Jana kapelekwa Mahakama ya Temeke na Kusomewa maombi yanaitwa “Binding over” (Maombi ya Kuwa Chini ya Uangalizi) ambayo upande wa Jamuhuri wameomba Mahakama itoe Amri zifuatazo:

1. Kutofanya kosa lolote ndani ya Mwaka mmoja.
2. ⁠Kila ijumaa ya Mwisho wa Mwezi kuripoti Polisi Mbeya ndani ya Mwaka Mmoja kuanzia Jana.
3. ⁠Kutoa akaunti zake zote za Mitandao ya Kijamii kwa Jeshi la Polisi.

Baada ya kusikilizwa kwa Maombi hayo Mahakama ikakubaliana na maombi ya upande wa Jamuhuri na kutoa Amri hizo!

Kwa kuwa hakuwa na Wakili wala ndugu na ukizingatia hakuna aliyekuwa anajua alipohifadhiwa baada ya kutoka Mahakamani akapelekwa kituo cha Polisi Chang’ombe na leo saa sita Mchana ndugu wakapigiwa simu ili wakamdhamini!

Hivyo basi Clemence Mwandambo Yupo chini ya Uangalizi baada ya Amri za Mahakama kutolewa hiyo Jana!

Hekima Mwasipu na Philipo Mwakilima
Mawakili

 

[DuaZaMama]

Kwa mujibu wa Twaha Mwapaiya ni kwamba Clemence Mwandambo ameachiwa kwa dhamana, leo Januari 10, 2026, katika Kituo cha Polisi Chan’gombe jijini Dar es Salaam, baada ya kushikiliwa kwa muda mrefu tangu alipokamatwa tarehe 29, 2025 mkoani Mbeya. Mwandambo alikamatwa Mbeya na baadaye kusafirishwa hadi Dar es Salaam kwa ajili ya hatua za kisheria, ambapo leo amepata dhamana kwa mujibu wa taratibu za sheria.

Akithibitisha tukio hilo, mdogo wake Mwandambo, Thadeo Mwandambo, amesema kuwa yeye ndiye aliyedhamini ndugu yake na kueleza kuwa mara baada ya kuachiwa, Clemence Mwandambo ameungana na familia yake waliopo jijini Dar es Salaam. Itakumbukwa kuwa hapo awali mawakili wa Mwandambo walikuwa wamefungua shauri mahakamani wakidai mteja wao aachiwe kwa dhamana au aachiwe huru, wakisisitiza haki zake za kikatiba na kisheria.

Kwa sasa, hatua ya kuachiwa kwa dhamana inatajwa kuwa ni sehemu ya mchakato wa kisheria unaoendelea, huku jamii na wadau wa haki wakisubiri mwelekeo wa kesi hiyo kadri taratibu za sheria zitakavyoendelea.

Pia soma > Mawakili Wafungua Shauri la "Habeas Corpus" Wakidai Kuachiliwa kwa Clemence Mwandambo

 

[funaku]

.

 

[Mtemi mpambalioto]

Tanzania ina matumizi mabaya sana ya Fedha
viongoz hawana huruma na maskini wanaotaabika huko kupata huduma muhimu

Mtu kwao ni Mbeya anasafirishwa kuletwa Dar utafkiri hakuna polisi au mahakama huko aliko!

RAIS SAMIA yeye haoni kabisa kama hii ni shida na watu wanachezea hela wanavyotaka

Pathetic

 

[AXIOM APEX VERBOSE]

.

Kichogo

 

[Lamomy]

Sasa walimsafirisha kumpeleka dar ili iweje? Walikomkamata hakuna mahakama??

Vilaza wanatuharibia nchi yetu..!!

 

[ruaharuaha]

Wanataka kuwafunga mdomo Watanganyika wote wanaotetea haki.

Walitaka kumpoteza, kumuua baada ya kumteka lakini sababu kelele zimekuwa nyingi Wameamua kumfunga mdomo na kuingilia uhuru wa maisha yake binafsi.

 

[Mr RMJ]

Fu*k the system

 

[Kinyungu]

Hii nchi watu wenye dhamana ya kuongoza wana roho mbaya sana

 

[DeletedMember281674]

Mimi nilivyoiona wanamsafirisha kutoka Mbeya kuelekea Dar, nikajua huyu wanaenda kumuua

 

[Cannabis]

Ilitakiwa na Maduro naye awekwe chini ya uangalizi🐼

 

[smart mind69]

Uongozi wa nchi una Mambo ya ajabu

 

[Matrix19]

Upumbavu mtupu.

 

[Bra-joe]

Kuna kila sababu ya kugombania uhuru wetu!

Yaani mtu anakatwa Mbeya, anapelekwa Dar bila wakili/ndugu yake kujua, anapelekwa mahakamani, hukumu inatolewa Kisha ndugu na mawakili wake wanataarifiwa! hii siyo sawa. Watanzania tupambane kuutoa huu utawala wa kishetani!