Mbunge Chadema rumande

kilimasera · 2010-12-19T07:41:49+00:00

VITA ya madaraka ya Umeya na Uenyekiti wa Halmashauri nchini, umezua balaa baada ya jana Mbunge wa Arusha Mjini, Gobless Lema wa Chama cha Demokrasia na Maendeleo (Chadema) kujikuta akiswekwa rumande akidaiwa kuchochea vurugu wakati wa uchaguzi wa Meya wa Jiji la Arusha. Lema alikutwa na balaa hilo baada ya kurejea kwenye ukumbi wa Manispaa ambako wanaCCM walikuwa wanaendelea na uchaguzi, baada ya awali Chadema kususa na kwenda mbali na ukumbi huo. Kutokana na Chadema kususa uchaguzi huo, madiwani wa CCM na TLP waliendelea na uchaguzi na kumchagua diwani wa Kata ya Olerien, Gaudence Lyimo kuwa Meya wa Jiji la Arusha wakati nafasi ya Naibu Meya ikienda kwa Diwani wa kata ya Sokoni One, Michael Kivuyo wa TLP aliyeshinda baada ya pinzani wake, Julius Ole Sekeyani wa CCM kujiengua katika dakika za mwisho kabla ya uchaguzi. Kabla ya uchaguzi wa jana, awali uchaguzi huo uliokuwa ufanyike juzi uliwekwa kiporo baada ya madiwani wa Chadema kususa kupiga kura kwa madai ya kuwa mbunge wa viti maalumu wa mkoa wa Tanga, Mary Chatanda hapaswi kupiga kura ya kumchagua Meya wa Jiji hilo. Mbali ya madai hayo, madiwani wa Chadema pia walimtaka Kaimu Mkurugenzi wa Jiji la Arusha, Estomy Changah kumruhusu kwa maandishi diwani wa viti maalumu wa TLP, Mwanvua Mwahanza kuruhusiwa kupiga kura katika uchaguzi huo baada ya kupata baraka za Tume ya Taifa ya Uchaguzi (NEC). Kamanda wa Polisi mkoa wa Arusha, Thobias Andengenye alithibitisha kutokea kwa tukio hilo la kukamatwa kwa Mbunge huyo na kusema alikuwa anashikiliwa katika Kituo Kikuu cha Polisi mjini hapa. Hata hivyo, habari ambazo baadaye zilizifikia gazeti hili zinasema kwamba, Lema aliachiwa kwa dhamana na kwamba alipokelewa kwa maandamano na umati wa wafuasi wake waliokuwa wamekizingira kituo hicho. Juhudi za kumpata Lema kuzungumzia tukio hilo hazikuzaa matunda, kwani kila alipotafutwa kwa simu yake ya mkononi iliita bila ya kupokewa. Lakini mapema asubuhi, diwani wa Elerai, John Bayo akizungumza kwa niaba ya madiwani wa Chadema, alisema walikubaliana kutoingia kupiga kura hadi sharti lao la kuondolewa kwa Chatanda litakapotekelezwa. Alisema kwamba, juzi waliingia katika mkutano huo na kuapishwa, lakini walikataa kujiandikisha katika rejesta ya madiwani baada ya kuelezwa kuwa Mkurugenzi wa Jiji na madiwani wa Chama Cha Mapinduzi wanataka kumwingiza Chatanda kupiga kura. Aliendelea kusema kuwa baada ya kugomea hilo, Kaimu Mkurugenzi wa Jiji Changah aliamuru kutolewa kwa sanduku la kupiga kura ndipo madiwani wa Chadema walipolitupa nje sanduku hilo na kupiga kelele za kutaka Chatanda atoke nje ya ukumbi. Akizungumzia suala hilo, Changah alisema kuwa Chatanda anaruhusiwa kushiriki uchaguzi huo, kwani ni mjumbe halali wa mkutano huo kwa sababu ni mkazi wa Jiji la Arusha. Alisema kuwa Mbunge wa Tanga Viti Maalumu si sababu ya msingi ya kumzuia yeye kupiga kura katika jiji la Arusha, akidai sheria haisemi hivyo na aliwataka madiwani wa Chadema kutafsiri sheria na kanuni vizuri. Jana jioni, Katibu Mkuu wa Chadema, Dk. Willibrod Slaa akizungumzia suala hilo kwa njia ya simu alielezea kusikitishwa kwake na taarifa zinazodai kuwa, polisi wamempiga na kumjeruhi Mbunge wa Chadema, Lema kisha kumweka mahabusu badala ya kumpeleka hospitalini kutibiwa majeraha yaliyotokana na kipigo hicho. Dk. Slaa analaani kitendo hicho kwa kuwa kinakiuka haki za binadamu na kurudisha nyuma jitihada za Watanzania za kujenga mfumo wa demokrasia.

Thread starter kilimasera
Start date Dec 19, 2010

kilimasera

JF-Expert Member

Dec 19, 2010

Crashwise

JF-Expert Member

Dec 19, 2010

kilimasera

JF-Expert Member

Dec 19, 2010

Thread starter
#3

You must log in or register to reply here.

Facebook X Bluesky LinkedIn Reddit WhatsApp Email Link

General Forums
Habari na Hoja mchanganyiko

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts