Mbunge, Judith Kapinga: Wizara ya Nishati Iwajengee Uwezo Wakandarasi REA

Stephano Mgendanyi · 2023-03-26T06:14:36+00:00

MHE. JUDITH KAPINGA - "WIZARA YA NISHATI IWAJENGEE UWEZO WAKANDARASI REA" Mbunge wa Viti Maalum Mkoa wa Ruvuma na Makamu Mwenyekiti wa Kamati ya Bunge ya Nishati na Madini Mhe. Judith Salvio Kapinga aliongoza mafunzo ya Kamati ya Uongozi ya Makamu Wenyeviti wa Kamati za Kudumu za Bunge katika Ofisi ndogo za Bunge Tunguu, Zanzibar. Mafunzo hayo yaliyongozwa na Mhe. Judith Kapinga yalikuwa na na Mada mbili ambazo ni Maadili ya Viongozi wa Umma na Wabunge yanayoweza Kuathiriwa na Migongano ya Kimaslahi iliyotolewa na Sekretarieti ya Viongozi wa Umma pamoja na Wajibu wa Bunge la Tanzania kwenye Vita dhidi ya Rushwa iliyotolewa na Taasisi ya Kuzuia na Kupambana na Rushwa (TAKUKURU). Aidha, Baada ya hapo, Mhe. Kapinga aliongozana na Kamati ya Kudumu ya Bunge ya Nishati na Madini ambayo ilianza ziara yake Mkoa wa Tanga na kupokelewa na DAS Ndg. Rahel Mhando kwa niaba ya Mkuu wa Wilaya. Ziara hiyo ilianza kwa kutembelea na kukagua miradi ya REA Wilaya ya Korogwe tarehe 15 Machi 2023. Pamoja na kazi nzuri ya Wizara kamati haikuridhishwa na kasi ya usambazaji wa umeme vijijini kutokana na wakandarasi wachache wasio waaminifu. Akiongea na waandishi wa Habari Makamu Mwenyekiti Mhe. Judith Kapinga alisema kamati imeshauri Wizara iwajengee uwezo wakandarasi wa ndani waweze kutekeleza majukumu yao. Wakati huo huo, Mhe. Judith Kapinga amempongeza Rais wa JMT Mhe. Dkt. Samia Suluhu Hassan kwa Miaka Miwili Madarakani yenye mafanikio kwa Taifa hasa katika Ujenzi wa Miundombinu ya Elimu ya Msingi, Sekondari na Vyuo.

Thread starter Stephano Mgendanyi
Start date Mar 26, 2023
Tags

mbunge nishati rea uwezo wakandarasi

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mbunge, Judith Kapinga: Wizara ya Nishati Iwajengee Uwezo Wakandarasi REA

Stephano Mgendanyi

JF-Expert Member

Our Community

Regional Communities