Pre GE2025 Mbunge Tarimo Akabidhi Pikipiki Nne kwa Jeshi la Polisi

Stephano Mgendanyi · 2024-01-08T14:14:31+00:00

Katika kuhakikisha Jeshi la Polisi Mkoani Kilimanjaro linapata vitendea kazi vitakavyo tumika katika kutimiza majukumu yao,Mbunge wa Jimbo la Moshi Mjini Priscus tarimo amewezesha Jeshi hilo kwa kukabidhi Pikipiki nne ili kuongeza urahisi wa kusimamia ulinzi na usalama . Akikabidhi Pikipiki hizo Januari 6 .2023 kwa Kamanda wa Polisi Mkoa wa Kilimanjaro Simon Maigwa,Mbunge Priscus Tarimo amesema kuwa uwezeshaji huo nikatika kusaidia doria na kupambana na madawa ya kulevya. "Huu ni muendelezo wa kusaidia Jeshi la Polisi katika kupambana na kuweka doria ili kuzuia uhalifu pamoja na usalama barabarani,Jeshi la Polisi linakabiliwa na uhaba wa vitendea kazi ila Serikali bado inafanya jitihada za kuliwezesha Jeshi la Polisi ili litoe huduma nzuri na kwa wakati kwa wananchi wake" alieleza Tarimo. Ameeleza kuwa vitendea kazi hivyo vitasaidia Jeshi hilo kupambana na watu wanaofanya biashara ya madawa ya kulevya ikiwemo Mirungi katika mipaka ya Mkoa wa Kilimanjaro pamoja na kufanya doria mbalimbali zenye kumlinda Mwananchi na mali zake. Pia soma: LIVE - Kuelekea 2025 - Uzi Maalum wa Vibweka na Hekaheka za wanasiasa kuelekea Uchaguzi Mkuu 2025 "Bado tutazidi kushirikiana na Jeshi la Polisi ili kutatua changamoto zinazo wakabili na waweze kutoa huduma nzuri kwa wananchi tunataka kuona wananchi wakifikiwa haraka na kutatuliwa changamoto zao" Tarimo. Akipokea Pikipiki hizo na kutoa shukrani kwa Mbunge huyo Kamanda wa Polisi Mkoa wa Kilimanjaro Simon Maigwa amesema kuwa pikipiki hizo zitatumia katika kuweka usalama barabarani na nyingine doria za kawaida. "Tunashukuru kwa msaada huu wa kuliwezesha Jeshi la Polisi Pikipiki hizi ambazo nitazigawa mbili kwa kituo cha Polisi Majengo na nyingine mbili kwa kitengo cha usalama Barabarani " RPC Maigwa Huo ni mwendelezo kwa Mbunge wa Jimbo la Moshi Mjini Priscus Tarimo kusaidia vitendea kazi Jeshi la Polisi ambapo mwaka 2023 alilipatia Jeshi la Polisi Mkoa wa Kilimanjaro Pikipiki mbili na sasa Pikipiki nne ili kuimarisha usalama.

Thread starter Stephano Mgendanyi
Start date Jan 8, 2024
Tags

akabidhi jeshi jeshi la polisi mbunge pikipiki polisi tarimo

Mijadala ya Uchaguzi Mkuu wa Tanzania 2025 (Kabla, wakati na baada)

Stephano Mgendanyi

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Pre GE2025 Mbunge Tarimo Akabidhi Pikipiki Nne kwa Jeshi la Polisi

Stephano Mgendanyi

JF-Expert Member

Our Community

Regional Communities