Kutokana na kutokuridhishwa na mapendekezo ya Kuongeza kodi na tozo kwenye
Muswada mpya wa Sheria za Fedha nchini Kenya, vijana wa nchi hiyo maarufu kama Gen Z waliamua
kuazisha maandamano kama sehemu ya kufikisha malalamiko yao kwa mamlaka ziweze kuchukua hatua ili kupunguza ukali wa maisha.
Kwa mujibu wa Ripoti ya Taarifa ya Tume ya Taifa ya Haki za Binadamu ya (
KNCHR), hadi kufikia Julai 2, 2024, takriban watu 39 wamepoteza maisha kutokana na Maandamano hayo yaliyodumu kwa zaidi ya wiki moja huku wengine 361 wakijeruhiwa.
Pamoja na mambo mengine, maandamano haya yameshuhudia matukio mengi ya kusisimua ikiwemo waandamanaji
kuvamia Bunge pamoja na kula vyakula vya wabunge kwenye kantini yao.
Madai ya kushabuliwa kwa Mbunge Chikati
Juni 25, 2024, taaarifa za waandamanaji kumshambulia MBunge wa Tongaren,
John Chikati Murumba zilianza kusambaa
Mtandaoni.
Mathalani, Mtumiaji wa mtandao wa X anayefahamika kwa jina la
Omwamba aliweka picha ya mtu
aliyejeruhiwa anayetajwa kuwa Chikati yenye ujumbe unaosema
"Tongaren MP John Chikati Murumba who Voted yes for the Finance Bill 2024 amesalamiwa kidogo na wananchi"
Hata hivyo, ufuatiliaji wa JamiiCheck umebaini picha hiyo si ya John Chikati kama inayodaiwa. Kupitia utafutaji wa kimtandao kwa kutumia
Google Image Search, JamiiCheck imebaini kuwa anayeonekana kwenye picha ni
Francis Mwijukye, Mbunge kwa kaunti ya Buhweju nchini Uganda.
Kwa mujibu wa
taarifa rasmi iliyotolewa na Polisi, Mwijukye alishambuliwa na wananchi Juni 12, 2024 wakati akitatua Mgogoro wa ardhi jimboni kwake.
"Mbunge alipokea malalamiko kutoka kwa waumini wa Kanisa Katoliki la Rwanyamabare na wanachama wengine wa Chama cha Wakulima cha Rwamabare, ambao walidai kwamba kanisa lao liko katika hatari ya kuondolewa/kubomolewa na Kamugisha Frank, jirani ambaye wana mgogoro naye juu ya ardhi ya kanisa hilo. Wakati wa tukio hilo, Mhe. Mbunge alikabiliana na kundi hasimu, waliokuwa na fimbo. Wakati wa mapambano ya vurugu, Mhe. Mbunge alipata majeraha mabaya kichwani na alikimbizwa na polisi katika Kituo cha Afya cha Nsiika 4 kwa matibabu" inasema sehemu ya
taarifa hiyo.
Baadhi ya vyombo vya habari vya Uganda vimeripoti pia kuhusu kadhia aliyopitia mbunge huyu. Rejea
hapa,
hapa na
hapa.
Pamoja na kuchunguza suala hili, tarifa ya Polisi iliukumbusha Umma kujua kwamba wabunge ni wawakilishi wa wapiga kura wao na wanabeba jukumu la Bunge hivyo vitisho vyovyote vya vurugu dhidi ya wabunge ni shambulio dhidi ya msingi wa demokrasia na wanaofanya hivyo hawatavumiliwa.
