"Mimi ni mtu wa kusema haki, mimi ni mtu wa kunyoosha maelezo, mtu wa kusema ukweli. Sasa kuna vitu ambavyo naona nikiwa upande huu, ile umimi inashindwa, naanza kuwa bata wakati natakiwa niwe eagle (tai). Sasa... hii dunia tunaishi mara moja, kwa nini uishi kwa kujisuffocate?
Lakini cha pili kikubwa, hayo labda mengine yanaweza yakavumilika, lakini kikubwa hasa mauaji ya tarehe 29 October. Nilivyoona wale vijana wanauawa, wanapigwa risasi, vijana wetu... ile ilitesa sana. Na ndio maana baada ya uchaguzi sikuzungumza chochote, ilichukua muda mrefu sana.
Lakini kikubwa zaidi, siku moja nimekaa na mtoto wangu wa miaka 18, anasema 'Baba hivi na mimi ningekuwa nimeuawa kama hawa watoto, ungeendelea kusema kidumu chama cha mapinduzi?' Mimi ni kiongozi, naamini kwamba viongozi lazima tutoe majibu watu wakiuliza. Unapokuwa kiongozi, umebeba maana ya kuongoza watu, watu wana vitu ambavyo ndani ya mioyo yao vinawaumiza. Leadership lazima itu-provide majibu.
Sasa vijana hawa ni kweli wana changamoto nyingi, wanatakiwa waelekezwe, wafundishwe, waonywe... lakini hatuwezi kuwaonya kwa risasi. We cannot kill our own people. Kwa hiyo hii imenitesa, nikaona hapana. Utu na ubinadamu ambao Baba wa Taifa alitufundisha, lazima tusimamie kwenye haki.
Na kibaya zaidi, haya mambo sikuona wanasiasa wenzangu waliosimama kidete kuyakemea, ukimwondoa Jaji Sinde Warioba. Lakini wengine wanaona kama ni mambo ya kawaida tu. Binadamu hawezi kuwa kama kuku. Kumekuwa na... achilia mbali yale maovu kama utekaji, watu kupotea, sasa watu hawezi kupotea kama kuku halafu tukakaa kimya. Na mimi ni muumini wa mchungaji mmoja alikuwa anaitwa Bonhoeffer kule Ujerumani wakati wa utawala wa Hitler. Alisema kukaa kimya mbele ya uovu ni kushiriki uovu. 'Silence in the eyes of evil is evil.' Sasa lazima tuseme, hili taifa la wote. Yale mambo sikukubaliana nayo."
Pia Soma : PostGE2025 - Peter Msigwa: Mtoto wangu aliniuliza kama angeuawa Oktoba 29, ningeendelea kusema idumu CCM?
