Tunataka tutengeneze mifumo ya kujitegemea; serikali ikae kama serikali, bunge likae kama bunge, Serikali ina inaongoza dola.
Chombo pekee kinachotoa haki kwa mujibu wa katiba yetu, ni mahakama. Sasa haki hii isiwe fadhila au huruma ya kiongozi wa nchi unaye sema kwamba anaweza kuwa na ni msikivu. Haijalishi awe msikivu au asiwe msikivu."
Ukiangalia kwa mfano Marekani, Trump sio msikivu, lakini kwa sababu eh taasisi ziko imara, akitoa amri ambayo inaenda kinyume wanamkatalia kwamba hii hatutatekeleza. Na vyombo hivi vya usalama vipo kulinda katiba. Vipo kulinda taasisi, havipo kumlinda mtu kwa sababu hao watu huwa wanaondoka.
Kwa hiyo, ushauri naoweza kumpa Rais ni kwamba aimarishe mahakama ziwe huru, serikali iwe inaweza kushtakiwa na iwe inashindwa kesi. Ahakikishe nchi hii ya kidemokrasia, demokrasia ifanye kazi yake. Haya ndio... ndio majukumu makubwa ambayo naweza kumshauri kwamba bunge liwe ni bunge la kuisimamia serikali.
Mifumo, ndio maana unakuta tunaye Waziri Mkuu naye anahangaika, ukiangalia kutoka pale juu mpaka huku kwa mwenyekiti, kwa mtendaji wa kitongoji kuna mifumo imewekwa. Lakini hii mifumo imekuwa dhaifu kwa sababu yule aliyopewa mamlaka anaweza akapigiwa simu na yeyote; anaweza akapigiwa simu na mwenyekiti wa CCM kwamba 'hilo usifanye' akalitii, ambaye hayumo kwenye mfululizo. Anaweza akapigiwa simu na mtu yeyote ambaye hayuko kwenye mfumo akatii. Kwa hiyo matokeo yake kumekuwa na shagalabagala kiasi kwamba kwa sababu mifumo hii haifuatwi. Kwa hiyo mifumo hii ina nguvu"
