PreGE2025 Meneja wa TARURA - Sengerema ampongeza Eric Shigongo kwa kupeleka mitambo maalum ya uchimbaji wa barabara Buchosa

PreGE2025 Meneja wa TARURA - Sengerema ampongeza Eric Shigongo kwa kupeleka mitambo maalum ya uchimbaji wa barabara Buchosa

Mijadala ya Uchaguzi Mkuu wa Tanzania 2025 (Kabla)

DodomaTZ

Senior Member
Joined
May 20, 2022
Posts
197
Reaction score
233
Meneja wa Wakala wa Barabara za Vijijini na Mijini (TARURA) Wilaya ya Sengerema mkoani Mwanza, Francis Prosper, amempongeza Mbunge wa Jimbo la Buchosa, Eric Shigongo, kwa hatua yake ya kupeleka mitambo maalum ya uchimbaji wa barabara katika maeneo mbalimbali ya jimbo hilo, akiahidi ushirikiano wa karibu kuhakikisha barabara zote zinapitika kwa urahisi na usalama.

Akizungumza jambo hilo, Prosper alisema kuwa hatua ya Mbunge huyo imekuja wakati muafaka na inalenga kubadilisha kabisa hali ya miundombinu ambayo kwa muda mrefu imekuwa changamoto kwa wakazi wa Buchosa.

“Mheshimiwa Mbunge ameleta mitambo kwa ajili ya matengenezo ya barabara, barabara ambazo ni muhimu kwa huduma za kijamii na shughuli za uchumi katika halmashauri yetu ya Buchosa. Sisi TARURA tumejipanga – tumeandaa mafuta na mipango ya utekelezaji iko tayari. Tumeweka mkakati wa kufungua barabara nyingi iwezekanavyo,” amesema Mhandisi Prosper.

Ameongeza kuwa mitambo hiyo, iliyotolewa kwa jitihada binafsi za Mbunge, itatumika kufungua na kuboresha barabara ambazo hazijawahi kufikika kwa urahisi, huku TARURA wakihakikisha kuwa kila hatua ya utekelezaji inazingatia ubora na usalama wa watumiaji wa miundombinu hiyo.

Kwa upande wake, Mbunge Eric Shigongo alisisitiza kuwa lengo kuu ni kuhakikisha kila mwananchi ananufaika na fursa za maendeleo kwa kupata huduma muhimu kama elimu, afya, na biashara kupitia upatikanaji wa barabara bora.

 
Back
Top Bottom