Miaka 10 Daraja la Nyerere (Kigamboni), NSSF yakusanya Tsh. 150 Bilioni

Mfuko wa Taifa wa Hifadhi ya Jamii (NSSF) umekusanya Tsh. 150.04 bilioni kutokana na tozo za matumizi ya Daraja la Nyerere Kigamboni katika kipindi cha miaka 10 tangu lilipoanza kutumika Mei 2016.

Mkurugenzi Mkuu wa NSSF, Masha Mshomba amesema hayo Jumatatu, Septemba 21, 2026 jijini Dar es Salaam wakati wa kikao kazi kati ya menejimenti ya mfuko huo, wahariri na waandishi wa habari chini ya uratibu wa ofisi ya Msajili wa Hazina.

Soma: Deni la Daraja la Kigamboni (Mwalimu Nyerere) litaisha lini?

Amesema mradi huo katika ujenzi uligharimu Tsh. 345.20 bilioni, zikiwemo Tsh. 328.74 bilioni za ujenzi na Tsh. 16.46 bilioni zilizotumika kulipa fidia kwa wananchi waliohamishwa kupisha ujenzi wa mradi huo.

“Mradi huo ulipangwa kurejesha fedha zilizowekezwa ndani ya kipindi cha miaka 30 na Juni 2026, NSSF ilikuwa imekusanya Tsh. 150.04 bilioni kutokana na tozo za matumizi ya daraja,” amesema.

Pia soma: Serikali yaomba muda zaidi kujibu kesi ya tozo Daraja la Nyerere (Kigamboni)

Katika kipindi hicho, amesema NSSF pia imetumia Tsh. 25.81 bilioni kwa gharama za uendeshaji na matengenezo ya daraja hilo huku mapato yaliyokusanywa yakiendelea kuchangia katika kurejesha fedha zilizowekezwa kwenye mradi.

Chanzo: Mwananchi

Hapo tumepigwa

Kwa hiyo kwa mwaka walikuwa wanakusanya Bilioni 15 na kwa mwezi ni Bilioni 1.25. Bas sawa
=============================

Wild Flower said:

Kwa hiyo kwa mwaka walikuwa wanakusanya Bilioni 15 na kwa mwezi ni Bilioni 1.25. Bas sawa

Click to expand...

Miaka ya mwanzo walikuwa hawafiki hata 1b kwa mwezi. Magari yalikuwa machache na Ferry palikuwa vizuri wengi wanaotoka Geza,Mjinwema etc walikuwa wanapita Ferry. Miaka ya karibuni magari yameongezeka na magari ya Kigamboni asilimia 95% yanatumia daraja.

hela ikusanywe tufike katika level hii

View: https://www.instagram.com/p/Da2tW_Uyck6/

Miaka 10 ijayo by 2036 watakuwa wameshakamilisha deni hilo