Pre GE2025 Mrisho Gambo: Rais Samia anaishi 4R kupitia Samia Legal Aid

The Watchman · 2025-03-07T13:39:22+00:00

Mbunge wa Jimbo la Arusha Mjini, Mrisho Mashaka Gambo, amemshukuru Rais Samia Suluhu Hassan kwa kuanzisha Kampeni ya Msaada wa Kisheria ya Mama Samia, akibainisha kuwa kampeni hiyo imekuwa msaada mkubwa kwa wananchi wa Arusha na maeneo mengine nchini. Akizungumza Ijumaa, Machi 7, 2025, katika Uwanja wa TBA mkoani Arusha yalipo mabanda ya Wizara ya Katiba na Sheria kunakotolewa msaada bure wa sharia, Gambo amesema kampeni hiyo imerahisisha upatikanaji wa haki kwa wananchi kwa kupunguza mlolongo mrefu wa kesi mahakamani. Pia soma: Pre GE2025 Special Thread: Mijadala na Matukio ya Uchaguzi Mikoa yote Tanzania Bara na Zanzibar kuelekea Uchaguzi Mkuu 2025 Alieleza kuwa awali, wananchi walilazimika kupitia ngazi mbalimbali za mahakama, jambo lililochukua muda mrefu. Hata hivyo, kupitia kampeni hii, masuala yanatatuliwa kwa haraka zaidi kwa njia ya usuluhishi na maelewano. Gambo ametoa mfano wa raia wa Italia waliokuwa na mgogoro kwa miaka saba ambao ulitatuliwa kupitia kampeni hii, pamoja na kesi za ndoa, mirathi na madai mbalimbali dhidi ya serikali. Mbunge huyo ameipongeza Wizara ya Katiba na Sheria kwa kusimamia vyema kampeni hii, akisisitiza kuwa ni sehemu ya utekelezaji wa dhana ya 4R za Rais Samia, inayolenga haki, usuluhishi, amani na maendeleo. Kampeni ya Msaada wa Kisheria ya Mama Samia, iliyoanzishwa na Rais Samia Suluhu Hassan, inalenga kutoa msaada wa kisheria kwa wananchi, hususan wale wasiojiweza, ili kuhakikisha upatikanaji wa haki kwa wote. Kampeni hii imekuwa ikitekelezwa katika mikoa mbalimbali nchini, ikiwemo Arusha, na imeonesha mafanikio makubwa katika kutatua migogoro ya muda mrefu na kutoa elimu ya kisheria kwa wananchi.

Thread starter The Watchman
Start date Mar 7, 2025
Tags

kuelekea uchaguzi 2025 legal aid mrisho gambo rais samia samia legal aid

Mijadala ya Uchaguzi Mkuu wa Tanzania 2025 (Kabla, wakati na baada)

The Watchman

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Pre GE2025 Mrisho Gambo: Rais Samia anaishi 4R kupitia Samia Legal Aid

The Watchman

JF-Expert Member

Our Community

Regional Communities