Mshtakiwa akimbia kizimbani

Rutashubanyuma · 2011-01-19T08:56:39+00:00

Mshtakiwa akimbia kizimbani na Walter Mguluchuma, Mpanda GEORGE Simoni (24), mkazi wa mtaa wa Kigamboni, Wilaya ya Mpanda anayetuhumiwa kwa kesi ya unyanganyi wa kutumia silaha, ametimka kizimbani mbele ya hakimu mkazi wa Wilaya ya Mpanda Dezidel Magezi baada ya kunyimwa dhamana na mahakama. Tukio la kukimbia kizimbani kwa George limetokea jana majira ya saa 7:20 mchana baada ya hakimu kukataa ombi la mshtakiwa la kutaka dhamana. Hakimu Magezi alimwambia mshtakiwa kuwa kesi iliyokuwa inamkabili kwa mujibu wa sheria haina dhamana hivyo mshtakiwa alitakiwa kwenda mahabusu hadi Januari 30 ndipo kesi hiyo ingetajwa tena. Baada ya kuambiwa hivyo mshtakiwa aliamua kukimbia mbio akitokea kizimbani hali iliyomfanya mwendesha mashtaka wa polisi (ASP) Magnusi Milinga pamoja na polisi waanze kumfukuza kwa mbio mshtakiwa huyo. Hata polisi walipoamua kupiga risasi mbili hewani, mshtakiwa aliendelea kukimbia tu, hali iliyowafanya wanafunzi wa Shule ya Kashaulili na Mwangaza watoke madarasani na kuweza kumzingira mashtakiwa na polisi kumkamata. Mshtakiwa huyo anatarajiwa tena kufikishwa mahakamani leo, kujibu shtaka la kutoroka chini ya ulinzi halali wa polisi. Ilielezwa kuwa awali mshtakiwa huyo alimpora kwa kutumia silaha mfanyabiashara wa duka Julius Kasangae mnano Desemba 30, 2010 katika mtaa wa Kigamboni majira ya saa 8 usiku. Vitu anavyodaiwa kuvipora mshtakiwa ni baiskeli, mito ya makochi, mabati, mafuta ya kula, sukari vyote vikiwa na thamani ya sh 500,000.

Thread starter Rutashubanyuma
Start date Jan 19, 2011

Rutashubanyuma

JF-Expert Member

Jan 19, 2011

Rutashubanyuma

JF-Expert Member

Jan 19, 2011

Thread starter
#2

You must log in or register to reply here.

Facebook X Bluesky LinkedIn Reddit WhatsApp Email Link

Educational, Tech & Prof
Jukwaa la Sheria (The Legal Forum)

Our Community

JamiiCheck
JamiiVoices
JamiiStories
JamiiData
JamiiCourses
JamiiShop
JamiiSocial
Premium Content
Start Discussion

Regional Communities

Tanzania
Uganda
Kenya

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts