GE2025 Msimamizi wa uchaguzi Ruangwa atoa wito kwa vyombo vya habari kuzingatia maadili ya taaluma

GE2025 Msimamizi wa uchaguzi Ruangwa atoa wito kwa vyombo vya habari kuzingatia maadili ya taaluma

Matukio, Taarifa, Habari na Mijadala ya Wananchi WAKATI wa Mchakato wa Uchaguzi Mkuu 2025

DuaZaMama

JF-Expert Member
Joined
Jun 2, 2025
Posts
1,882
Reaction score
4,153
Msimamizi wa Uchaguzi Jimbo la Ruangwa, George Mbesigwe, amevitaka vyombo vya habari kufuata sheria, kanuni na maadili ya taaluma zao wakati wa kipindi cha uchaguzi, akisisitiza kuwa ni muhimu kutoa taarifa kwa ufasaha, uwiano na bila upendeleo.

Akizungumza leo Oktoba 22 katika kipindi cha “Amka na Ruangwa FM” kinachorushwa na 88.4 Ruangwa FM kila Jumatatu hadi Ijumaa na kutangazwa na Joshua Jeremiah, Mbesigwe amesema vyombo vya habari havipaswi kuingilia shughuli za uchaguzi wala kuchapisha taarifa zinazoweza kuchochea vurugu au kuathiri amani ya jamii.

Aidha, alikumbusha umuhimu wa kuheshimu usiri wa wapiga kura na taarifa zao, sambamba na kuepuka kushiriki kampeni au kuonesha upendeleo kwa wagombea au vyama vya siasa.

Mbesigwe alihitimisha kwa kuwataka wananchi wa Ruangwa kutumia haki yao ya kupiga kura kwa amani, nidhamu na uelewa wa taratibu za uchaguzi, akisema kufanya hivyo kutaimarisha demokrasia na umoja katika jamii.
 
Back
Top Bottom