Mvua yaendelea kuipiga Kenya

Analogia Malenga · 2019-12-03T12:56:23+00:00

Kenya inapambana na mafuriko na mvua kubwa iliyoanza mwezi uliopita. Idara ya utabiri wa hali ya hewa imetahadharisha kuwa hali hiyo itaendelea kushuhudiwa hadi wakati wa msimu wa Krismasi. Kitengo cha kupambana na majanga ya kitaifa kinaeleza kuwa watu wasiopungua 130 wamefariki baada ya kuzama kwenye mafuriko au kusombwa na maporomoko ya tope. Kwa mujibu wa taarifa ya idara ya utabiri wa hali ya hewa nchini Kenya,mafuriko yanayoshuhudiwa yataendelea kwa muda wa wiki tatu zijazo hadi wakati wa Krimasi. Hilo huenda likasababisha maporomoko ya tope nyingi zaidi na kuwaacha wengi bila makaazi. Kulingana na naibu mkurugenzi wa idara ya utabiri wa hali ya hewa David Gikungu mafuriko na maporomoko ya tope yataendelea kushuhudiwa hasa katika maeneo yaliyo na kinamasi au ya maeneo ya chini. Tayari hali hiyo imeshaanza kuonekana. Katika kaunti ya Makueni watu kadhaa wameachwa bila makaazi baada ya mito kuvunja kingo zake. Kamishna wa kaunti hiyo ya Makueni Mohammed Maalim ameweka bayana kuwa mpaka sasa watu 10 wameripotiwa kufariki. Idara ya utabiri wa hali ya hewa imetoa tathmini mpya ya mvua ambayo ilitarajiwa kuacha kunyesha katika wiki ya pili ya mwezi wa Disemba. Mvua hiyo inasababishwa na ongezeko la viwango vya joto kwenye bahari ya Hindi katika maeneo ya Afrika Mashariki linalochangia mvuke mwingi. Maeneo ya kanda ya ziwa viktoria na milima ya bonde la ufa huenda yakapondwa na dhoruba kali. Kwenye maeneo ya katikati ya Kenya ambayo ni Nairobi, Embu, Nyeri, Meru na yale ya karibu mvua itaongezeka mwezi huu inaeleza taarifa ya idara ya utabiri wa hali ya hewa. Hapa jijini Nairobi maji yametuama mitaani na barabarani kufuatia mvua hiyo ya kupita kiasi.Kituo cha Mombasa cha utabiri wa hali ya hewa kilirekodi mvua iliyopita asilimia 289 ya kiwango cha kawaida cha mwezi huu.Gavana wa kaunti ya Taita Taveta Granton Samboja amepiga marufuku shughuli za kuchimba mchanga ili kuepusha dharura kufuatia mafuriko eneo hilo. Maeneo mengine ya pwani nayo pia yamepokea mvua nyingi.Mvua nyingi zaidi imeshuhudiwa kwenye kituo cha Karurumo kilichoko Embu ikifuatiwa na Meru.Takwimu za shirika la msalaba mwekundu zinaashiria kuwa watu wasiopungua 160,000 wameachwa bila makazi tangu mvua kuanza mwezi wa Oktoba. Yote hayo yakiendelea kitengo cha ndege cha idara ya polisi kimekuwa kikiwanusuru wakazi wanaotatizwa na mafuriko kwa kuwanyanyua kwa helikopta kote nchini.Helikopta 5 kati ya zake zote 7 zinatumika kwenye shughuli za uokozi. TM,DW Nairobi.

Thread starter Analogia Malenga
Start date Dec 3, 2019
Tags

kenya mvua

Analogia Malenga

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Mvua yaendelea kuipiga Kenya

Analogia Malenga

JF-Expert Member

Our Community

Regional Communities