Wakati wa mabishano hayo, dereva alisisitiza kuwa hajafanya kosa la kukimbia na kwamba anafahamu vyema kilipo kituo cha polisi, akionya kuwa afisa huyo alipaswa kujitambulisha na kueleza sababu za kuingia ndani ya gari kabla ya kuchukua hatua yoyote. Licha ya malalamiko hayo na maombi ya mara kwa mara ya kumtaka ashuke, afisa huyo wa polisi alionekana akipuuza maelezo hayo huku akiwa ametulia kwenye kiti cha nyuma na kuendelea kuongea kwenye simu yake ya mkononi.
Tukio hili limezua gumzo kubwa mitandaoni, huku wananchi wengi wakijadili kuhusu haki za madereva barabarani na taratibu ambazo maafisa wa usalama wanapaswa kufuata wanapowasimamisha au kuingia kwenye magari ya raia.
Je, una maoni gani kuhusu hatua aliyochukua dereva huyu kukabili hali hii?
