Inside10
Platinum Member
- May 20, 2011
- 34,776
- 42,933
Credit jambo tv
Mahakama Kuu ya Tanzania, Masjala Ndogo ya Mwanza, imetoa uamuzi wa kihistoria kwa kuzuia upande wa Jamhuri kutumia mashahidi wa kificho au siri katika kesi zote za jinai, ikitangaza kuwa utaratibu huo ni kinyume cha katiba ya nchi.
Jopo la Majaji watatu- Jaji Fahamu Mtulya, Jaji K.S Kamana na Jaji W.M Chuma leo limebatilisha Kifungu cha 194 cha Sheria ya Mwenendo wa Makosa ya Jinai (CPA) baada ya kubaini kuwa kifungu hicho kinampa Mkurugenzi wa Mashitaka (DPP) mamlaka makubwa na ya kipekee ya kuomba ulinzi wa shahidi bila kumpa mshtakiwa haki sawa ya kuhoji, jambo linalokiuka haki ya kusikilizwa kwa pande zote mbili.
Mahakama imetoa muda wa miezi 12 kwa Serikali na AG kufanya marekebisho ya sheria hiyo
Kundi la mawakili 13, likiongozwa na Wakili Mwandamizi Constantine Mutalemwa, liliwakilisha mleta maombi, Wakili Godfrey Mjuni Martin Basasingohe, katika kesi ya kikatiba namba 22482/2025 dhidi ya Mwanasheria Mkuu wa Serikali (AG) na DPP.
Miongoni mwa hoja zilizowasilishwa ni kuwa sheria hiyo inawaficha mashahidi badala ya kuwalinda, hali inayotoa mwanya kwa mtu mmoja kutoa ushahidi mara nyingi kwa kutumia majina tofauti.
Mahakama Kuu ya Tanzania, Masjala Ndogo ya Mwanza, imetoa uamuzi wa kihistoria kwa kuzuia upande wa Jamhuri kutumia mashahidi wa kificho au siri katika kesi zote za jinai, ikitangaza kuwa utaratibu huo ni kinyume cha katiba ya nchi.
Jopo la Majaji watatu- Jaji Fahamu Mtulya, Jaji K.S Kamana na Jaji W.M Chuma leo limebatilisha Kifungu cha 194 cha Sheria ya Mwenendo wa Makosa ya Jinai (CPA) baada ya kubaini kuwa kifungu hicho kinampa Mkurugenzi wa Mashitaka (DPP) mamlaka makubwa na ya kipekee ya kuomba ulinzi wa shahidi bila kumpa mshtakiwa haki sawa ya kuhoji, jambo linalokiuka haki ya kusikilizwa kwa pande zote mbili.
Mahakama imetoa muda wa miezi 12 kwa Serikali na AG kufanya marekebisho ya sheria hiyo
Kundi la mawakili 13, likiongozwa na Wakili Mwandamizi Constantine Mutalemwa, liliwakilisha mleta maombi, Wakili Godfrey Mjuni Martin Basasingohe, katika kesi ya kikatiba namba 22482/2025 dhidi ya Mwanasheria Mkuu wa Serikali (AG) na DPP.
Miongoni mwa hoja zilizowasilishwa ni kuwa sheria hiyo inawaficha mashahidi badala ya kuwalinda, hali inayotoa mwanya kwa mtu mmoja kutoa ushahidi mara nyingi kwa kutumia majina tofauti.