MWENYEKITI CCM MANYARA KUJENGA CHUO CHA WASICHANA.

John Walter · 2024-05-18T11:53:44+00:00

Katika kuendelea kuunga mkono jitihada za serikali, wadau wa Maendeleo Shirika lisilo la kiserikali linalojiuhusisha na masuala ya elimu -ECLAT Development Foundation wameanza ujenzi wa chuo cha Mafunzo,ujuzi na malezi kwa wasichana. Jiwe la msingi la Ujenzi wa Chuo hicho kinachojengwa Kijiji cha Emboreet wilayani Simanjiro, limewekwa na mkuu wa mkoa wa Manyara Queen Sendiga Mei 17,2024. Mkurugenzi wa Shirika hilo ambaye pia ni Mwenyekiti wa chama cha Mapinduzi mkoa wa Manyara Mheshimiwa Peter Toima amesema wanafanya kazi za Maendeleo katika mikoa sita nchini kwenye Miradi ya elimu, Maji, Afya na uwezeshaji makundi ya Vijana na Wanawake. Hadi sasa Shirika hilo la Maendeleo limeshachangia zaidi ya shilingi Bilioni 25 kwa ajili ya miradi ya Maendeleo wilayani Simanjiro. Toima amesema wamejenga zaidi ya shule 50 huku asilimia kubwa zikiwa mkoa wa Manyara, vikundi 75 vya Wanawake ambapo asilimia 79 ya vikundi hivyo vipo mkoani Manyara. Amesema yote hayo yamewezekana kutokana na uongozi thabiti wa Serikali ya awamu ya sita ya chama cha Mapinduzi inayoongozwa na Rais Dkt Samia Suluhu Hassan kushirikiana vizuri na wadau wa Maendeleo. Aidha wafadhili wa Mradi huo ECLAT Development Foundation ya Tanzania na Upendo Foundation ya nchini Ujerumani, wamesema Fedha kwa ajili ya mradi huo zipo na kwamba Ujenzi utaanza mei 18,2024. Kwa upande wake mkuu wa mkoa wa Manyara Queen Sendiga, amesema Serikali itaendelea kuweka Mazingira rafiki kwa wawekezaji wote katika juhudi zao ambazo wanazifanya kuunga mkono utekekezaji wa masuala mbalimbali ya Maendeleo. "Naomba niwaahidi kwamba sisi serikali kazi yetu kubwa ni kutengeneza mazingira rafiki ya kuwafanya wadau wetu mbalimbali wanapokuja waweze kufanya shughuli zao vizuri kwa sababu wanufaika wa miradi hii ni Watanzania" alisema Sendiga Ezekiel Lesenga Diwani kata ya Leiborisiret amelishukuru Shirika la ECLAT kwa kujenga shule nane katika kata yake.

Thread starter John Walter
Start date May 18, 2024
Tags

ccm chuo kujenga manyara mwenyekiti mwenyekiti ccm wasichana

John Walter

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

MWENYEKITI CCM MANYARA KUJENGA CHUO CHA WASICHANA.

John Walter

Member

Our Community

Regional Communities