Jaji Joseph Sinde
Warioba alikuwa
Waziri Mkuu na Makamu wa Kwanza wa Rais wa Jamhuri ya Muungano wa Tanzania kuanzia Novemba 5, 1985 hadi Novemba 9, 1990. Pia ni Mwanasheria, Mwanasiasa na Jaji maarufu anayeheshimika Kitaifa na Kimataifa kwa mchango wake mkubwa katika masuala ya Sheria na Utawala Bora.
Kadhalika aliwahi kuwa Jaji katika Mahakama ya Kimataifa ya Sheria ya Bahari ya Hamburg, Ujerumani yenye makao yake makuu nchini Ujerumani kuanzia 1996 hadi 1999.
Oktoba 6, 2025 kupitia mitandao mbalimbali ya kijamii zilisambaa taarifa zikieleza kuwa aliyekuwa Balozi wa Tanzania nchini Cuba, Humphrey Polepole
ametekwa na watu wasiojulikana hadi kufikia leo Oktoba 08, 2025 hakukuwa na taarifa yoyote kuhusu kupatikana kwake.
Madai
Kumekuwepo na taarifa inayosambazwa mtandaoni ikitumia utambulisho wa grafiki za Mwananchi kuwa Mzee Warioba amesema "taarifa za uwepo wa Polepole Tanzania zinaukakasi, puuzeni"
Je, ni upi uhalisia wa taarifa hiyo?
Ufuatiliaji wa kimtandao uliofanywa na JamiiCheck kwa kutumia utafutaji wa maneno muhimu (Key word search) umejiridhisha kuwa taarifa hiyo si ya kweli kwani hakuna chanzo cha kuaminika kilichoripoti taarifa hiyo, Vilevile Jaji Warioba hajaonekana wala kusikika akitoa kauli hiyo.
Vilevile ufuatiliaji umebaini grafiki iliyotumika kusambaza taarifa hiyo ni ya kughushi kwani haijachapishwa na
Mwananchi kama inavyoonekana wala chanzo chochote kingine cha kuaminika.
Aidha wanaosambaza grafiki hiyo hawaelezi hi wapi na lini Jaji Warioba aliyazungumza maneno hayo kuhusu sakata la Polepole.
Ni muhimu kuhakiki taarifa kabla ya kuamini na kusambaza kwa wengine ili kuzuia Upotoshaji.
