Stephano Mgendanyi
JF-Expert Member
- May 16, 2020
- 2,833
- 1,301
NAIBU WAZIRI KIHENZILE: SERIKALI INALENGA KUBORESHA MIUNDOMBINU YOTE NCHINI
Naibu Waziri wa Uchukuzi, Mhe. David Kihenzile, amesema lengo la Serikali ya Awamu ya Sita inayoongozwa na Rais Samia Suluhu Hassan, ni kuboresha miundombinu yote nchini, ikiwemo ya uchukuzi, ili kuongeza ufanisi katika utoaji wa huduma kwa wananchi.
"Serikali yetu imekuwa ikiwekeza kwa kiasi kikubwa katika kuboresha miundombinu yote nchini ikiwemo ya uchukuzi ili kuongeza ufanisi, usalama, na kutoa huduma bora kwa wananchi. Hii itasaidia kukuza uchumi," amesema Kihenzile.
Aidha, Kihenzile amezitaka taasisi zilizopo chini ya wizara hiyo kuongeza kasi ili kufikia malengo waliyojiwekea, ikiwemo kukamilisha miradi mbalimbali ya maendeleo kwa wakati na kwa thamani halisi ya fedha.
Kihenzile ameyasema hayo, Oktoba 25, 2024, wakati akifunga mkutano wa 17 wa tathmini ya utendaji wa Wizara ya Uchukuzi uliofanyika katika Kituo cha Mikutano cha Kimataifa cha Arusha (AICC)