Ndugu wa aliyejeruhiwa na Mwendokasi Dar wajitokeza akiwemo mkewe

[Roving Journalist]

Mtembea kwa miguu aliyegongwa na Basi la Abiria la "Mwendokasi" wiki iliyopita ambaye ndiye alikuwa Majeruhi pekee wa ajali hiyo aliyesalia katika Taasisi ya Tiba ya Mifupa Muhimbili (MOI), ametambulika ambapo jina lake ni Osam Milanzi, Mkazi wa Manzese Midizini.

Meneja Uhusiano wa MOI, Patrick Mvungi akiwa katika picha ya pamoja na ndugu Osam Milanzi, katikati ni mke wa Bw Osam, Bi Isha Mohamed.​

Meneja Uhusiano wa MOI, Patrick Mvungi amesema utambuzi huo umefanywa na Mke wa Majeruhi (Osam) aitwaye Isha Mohamed pamoja na Mdogo wa Osam anayeitwa Shaban Milanzi.

Mvungi amenukuliwa akisema “Afya ya Osam imeimarika kutokana na kazi kubwa ambayo imefanywa na Madaktari, Wauguzi pamoja na Watumishi wengine wa MOI.

“MOI tunatoa shukrani za dhati kwa vyombo vya habari pamoja na Watanzania wote wenye mapenzi mema ambao walishirikiana nasi kutangaza habari za kuwatafuta Ndugu wa Osam.”

Itakumbukwa jana Hospitali hiyo ilitoa taarifa kwamba Osam tayari ameondolewa katika Chumba cha Uangalizi Maalum (ICU) na kuhamishiwa wodi nyingine ya HDU baada ya afya yake kuzidi kuimarika ambapo pamoja na mambo mengine Majeruhi huyo ameanza kuongea na amejitaja kwa jina moja kwamba anaitwa Osam na Makazi yake ni Manzese, Dar es Salaam.

 

[Kimwakaleli]

Duuh Mungu mkubwa na ahsante kwa taarifa mkuu,ajali isikie tuu kama jela mbaya.

 

[Laury]

Dooh Mungu amjalie wepesi! Kinadhalia huwezi kuamini kama jamaa angechomoka..

 

[Determinantor]

Ajali haziishagi kushangaza watu, MUNGU yupo

 

[BodGanleonid]

Ashukuriwe Mwenyezi Mungu pamoja na Madaktari wote kwa kupigania maisha yake.

 

[Kaitamarogo 23]

Alipwe sasa

 

[Stephan Lichtsteiner]

Asante sana MOI kwa updates mana ilikua kila mtu anasema lake.

Sema bima ipambane kulipia hapo matibabu mana cost zake sio poa

 

[Mwifwa]

Dooh Mungu amjalie wepesi! Kinadhalia huwezi kuamini kama jamaa angechomoka..

Ile clip niliiangalia zaidi ya mara kumi huku nikitafakari jinsi huyo mtu alivyobamizwa, nilihitimisha kuwa kasharejea kwa Muumba ila Muumba ni mwema, akamnusuru.

 

[fyddell]

Asante sana MOI kwa kufanikiwa kumtibu mpaka afya ya ndugu Osam kuimarika. Mungu azidi kumpa wepesi katika uponyaji wake

 

[Determinantor]

USSR
Sio lazima nadhani kukomenti kila kitu