Neno La Leo: ' Village Swaraj'

maggid · 2011-06-06T07:21:22+00:00

Ndugu zangu, Ukitaka kujua roho ya nchi, nenda kijijini- Mahtma Ghandi. Na mwaka 2004 nilipata kumsikia mwandishi mahiri, Ngugi wa Thiongo akitamka pale Chuo Kikuu cha Dar es Salaam, kuwa; Ukitaka kujua nchi itakuwaje kesho, basi, waangalie vijana wake wa leo. Katika kazi zangu nimepata bahati kubwa ya kutembelea vijiji vingi vya nchi hii. Hata jana jioni nilifika pale kijijini Tosamaganga. Ni umbali wa kilomita 14 hivi kutoka Iringa mjini. Nimeongea na vijana, na wazee pia. Kuna mengi ninayojifunza. Na picha nyingine zinatia huzuni, kama ya mama huyo pichani na mbwa wake. Kuna ombwe- Vacuum. Anasema maisha yamekuwa magumu sana kwake na familia yake. Na hakika tunafanya makosa makubwa, kudhani kuwa Watanzania wa vijijini bado wako usingizini. Hapana, Watanzania wameanza kuamka, hata vijijini. Na kama tungekuwa na mipango thabiti ya kuwekeza kwa Watanzania hawa wa vijijini, basi, tungepiga haraka hatua za maendeleo. Na waraka wa 23 wa Mtume Yohana una mapungufu, unatutaka tuwekeze kwa watu. Kwamba tupendane, tuheshimiane, tujaliane na mengineyo. Hilo ni jambo jema kwetu wanadamu. Lakini, na tujiulize. Inatosha tu kuwekeza kwa watu? Kuna mapungufu. Ni vema pia tukafikiri sasa, umuhimu wa kuwekeza kwenye akili za watu na baadae ikawa vitu. Tuwekeze kwenye exellency za watu wetu. Maana, watawala wetu hawawapendi watu wenye akili. Watu wenye kufikiri kwa bidii na hata kuhoji. Na ndio maana wakati mwingine, huwa ni faraja, kwa watawala, kuona watu wa vijijini wanabaki kuwa nyuma katika uelewa wa mambo. Hayo ni makosa makubwa. Tuanze sasa kufkiri katika Village Swaraj. Hii ni falsafa ya Mahtama Ghandi ambayo kimsingi imejikita katika kuwekeza kwenye akili za watu wa vijijini. Maana, vijiji ndio roho ya nchi. Na hilo ni Neno la Leo. Maggid, Iringa, Juni 6, 2011 MJENGWA - Picha, Habari & Matangazo

Thread starter maggid
Start date Jun 6, 2011

maggid

JamiiForums uses cookies to help personalise content, tailor your experience and to keep you logged in if you register.
By continuing to use this site, you are consenting to our use of cookies.

Accept Learn more…

Back

Top Bottom

Forums

New posts

Neno La Leo: ' Village Swaraj'

maggid

JF-Expert Member

Our Community

Regional Communities