HOJA Ni kweli baadhi ya mali za Kambuni ya The Guardian Ltd zinapigwa mnada?

[Anonymous]

Wana JF, kumekuwa na kipeperushi hiki kinasambaa mitandaoni na kwenye magazeti (kama inavyoonekana hapo chini) kikionesha tangazo la mnada wa hadhara wa mali za kampuni kongwe ya uchapishaji nchini, The Guardian Limited.

Hili ni jambo ambalo limenishtua na kunifikirisha sana kuhusu hatima ya makampuni makubwa ya wazawa pindi waasisi wao wanapotangulia mbele za haki.

Historia Fupi ya The Guardian Limited
Kama wengi tunavyofahamu, The Guardian Limited ni sehemu ya himaya kubwa ya vyombo vya habari ya IPP Media iliyoasisiwa na marehemu Dkt. Reginald Mengi.

Kampuni hii imekuwa kinara katika tasnia ya habari nchini Tanzania kwa miongo kadhaa, ikichapisha magazeti maarufu na yenye ushawishi mkubwa kama The Guardian (kwa lugha ya Kiingereza) na Nipashe (kwa Kiswahili). Imekuwa shule na kimbilio la waandishi wengi nguli hapa nchini na kujenga heshima kubwa ndani na nje ya mipaka ya Tanzania.

Kuhusu Kesi na Tangazo la Mnada
Ukisoma kwa makini tangazo hilo lililotolewa na kampuni ya udalali ya Majembe Auction Mart Limited kwenye picha, inaonekana wazi kuwa hii inatokana na amri ya Mahakama Kuu ya Tanzania.

Kwa ufupi:
Aliyeshinda Kesi (Decree Holder): Justine Nyari.

Wanaodaiwa (Judgement Debtors): The Guardian Limited (Mdaiwa wa 1) na Printa Afrique Limited (Mdaiwa wa 2).

Namba ya Kesi: Kesi ya Utekelezaji (Execution Case) Na. 6005/2024 iliyotokana na Kesi ya Madai Na. 35/2021.

Mali Zinazopigwa Mnada: Majengo mawili yaliyopo Mikocheni; Jengo moja la ofisi/utawala na jengo jingine ambalo ni ghala (Godown), kwenye kiwanja Na. 122. Eneo hili lipo jirani kabisa na ofisi za ITV na Radio One.

Tarehe ya Mnada: Ijumaa ya tarehe 25 Septemba, 2026 kuanzia saa nne asubuhi.

Kwa amri hii ya mahakama, inamaanisha The Guardian Ltd imeshindwa kulipa deni au kutekeleza hukumu iliyotolewa dhidi yao tangu kesi ya msingi ya mwaka 2021, mpaka kufikia hatua ya mali zake kushikiliwa na kupigwa mnada.

Utajiri wa Dkt. Mengi na "Kashkash" Tangu Kifo Chake
Dkt. Reginald Mengi alikuwa mmoja wa mabilionea na matajiri wakubwa kuwahi kutokea Afrika Mashariki. Utajiri wake ulitokana na viwanda, uchimbaji madini, na utengenezaji wa vinywaji kupitia IPP Group of Companies. Alikuwa mfanyabiashara anayeheshimika sana, mkarimu, na aliyesaidia makundi mbalimbali wakiwemo watu wenye ulemavu.

Hata hivyo, tangu Dkt. Mengi afariki dunia mwezi Mei 2019 kule Dubai, kumekuwa na wingu zito (kashkash) linaloikabili familia yake na himaya ya biashara aliyoiacha.

Tumekuwa mashahidi wa migogoro mikubwa ya kisheria iliyogonga vichwa vya habari, hasa kuhusu urithi na usimamizi wa mali zake.

Kulikumbwa na mvutano mkali mahakamani kati ya watoto wake wakubwa (Abdiel na Regina Mengi) na mjane wake (Jacqueline Mengi) kuhusu uhalali wa wosia ulioachwa, ambapo mahakama hatimaye ilitengua wosia uliokuwa ukimpa mali zote mjane huyo na watoto wake pacha.

Kuona tangazo hili la mnada leo, kunazua maswali mengi:

Je, migogoro ya kifamilia imeanza kuathiri uendeshaji na ustawi wa makampuni haya?

Kampuni kubwa kama The Guardian Ltd kufikia hatua ya kupigiwa mnada majengo yake ya utawala inaashiria mdororo mkubwa wa kifedha ndani ya kundi hili?

Je, hili ni tatizo la uongozi mpya ulioshindwa kuvaa viatu vya mwanzilishi, au ni changamoto za kibiashara zinazokumba sekta ya habari kwa ujumla?

Wana JF, mna mtazamo gani juu ya hili?

 

[Marcostilone]

Hii ndio shida ya generational wealth hapa Bongo.

Wakati warithi wako bize kupigania nani anamiliki nini mahakamani, biashara za msingi zinakufa huko kwa kukosa ukwasi na usimamizi.

 

[Tumwesige senior]

Minada ya matajiri hiyo, mi nasubiri mnada wa baiskeli

 

[Nakfa]

Dah ile kampuni itanunuliwa na wengine

 

[denoo G]

Kwanza Mzee Mengi marehemu naona alikosea kwenda kuoa yule sistaduu, pale ndipo alipojifungulia mlango wa kifo na haya mabalaa mengine ya mnada kufuatia.

Wale watoto wake wakubwa wawili angewapa a,b,c, za kusimamia mali zake, azigawanye yupi asimamie ipi, na mwingine ipi. Sidhani kama alifanya hivyo.

Amekuja kuondoka matokeo yake watoto wakubwa badala ya kupoteza muda kusimamia biashara za baba yao, wanajikuta wanahangaikia kesi za mirathi za yule sistaduu.

 

[denoo G]

Dah ile kampuni itanunuliwa na wengine

Namuona Rost.. kwa mbali...

 

[Monetary doctor]

R.I.P Regy na Mercy

 

[maishapopote]

Hv kweli Nyari na Mzee Mengi wapi na wapi? Mwizi na tajiri wapi na wapi?

Hapa ndipo namlaumu sana Benjamin...na Ubabe wote ule Justine anamshinda? Siamini, na labda watoto hawamsikilizi baba yao Mdogo... Halafu Na nguzo ya Nyari (Banjoo) ishang'oa

 

[econonist]

Justin Nyari jambazi ameingiaje kwenye Mali za Mengi?

 

[rodrick alexander]

Hapa ndipo namlaumu sana Benjamin...na Ubabe wote ule Justine anamshinda siamini na labda watoto hawamsikilizi baba yao Mdogo...

Benjamini alimweka ndani alitolewa awamu ya nne

 

[Monetary doctor]

Kipenzi chetu Jack Machache

 

[Bengal]

Acha zipigwe Manda kabisa kwani wamejisajili kuwa chawa na vipaza vya wanyonyaji na mafisadi wa taisa hili.

 

[Huihui2]

Watoto wa RAM wakubwa (Regina na Adbiel) ni hopeless kabisa.

Tusubiri wale mapacha wa Jackline wakue ndiyo wataendeleza legacy ya Mzee Mengi

 

[Msanii]

Watoto wa RAM wakubwa Regina na Adbiel ni hopeless kabisa.

Tusubiri wale mapacha wa Jackline wakue ndiyo wataendeleza legacy ya Mzee Mengi

Abdiel alishindwa kuistawisha The Backyard Recording Studìo pale Namanga Msasani... ndo aje kuisimamia The Guardian?

Regina alifeli kuifanya DarHotwire kujiendesha kwa faida pale Mikocheni jirani na Tanpack Industry hadi ikafa.

Mtoto pekee alikuwa a step ahead kusimamia legacy ya Mengi was Motie. Mnaiona East Africa Media aliiwekea misingi hadi leo inapambania existence yake.

Pole yao sana

 

[Monetary doctor]

Watoto wa RAM wakubwa Regina na Adbiel ni hopeless kabisa.

Tusubiri wale mapacha wa Jackline wakue ndiyo wataendeleza legacy ya Mzee Mengi

Una uhakika upi wataendeleza hiyo legacy??

 

[AI BRAINFULL]

Soon itv itapigwa mnada na kuna muajemi mmoja ana mood kweli na vyombo vya habar mungu anaweza mjaalia akabahatika kuvipata hasa ipp media

 

[Chivundu]

Nani anasoma Magazeti siku hizi?

Hicho ni kifo cha asili cha biashara hasa ya magazeti. Baada ya hapo biashara inayofuata ni TV na Redio.

Ukiangalia kwa jicho zuri, makampuni ya TV, Redio na Magazeti mengi yanakwenda kufungwa na kuwa mufilisi (Bankruptcy).

Ujio wa teknolojia mpya ya habari unafanya hizi biashara kufa kifo cha asili. Ujio wa online TV, social media, simu janja umechukua nafasi, hakuna mtu siku hizi anakaa kuangalia habari saa mbili, watu wanapata habari kwenye simu zao hapo hapo. 😊

ITV, Capital TV, Capital radio, EATV wanachechemea, hata matangazo sijui kama wanapata. Wapeleke pesa kwingine, biashara ya habari za magazeti, TV na Redio haina future.

Wataendesha kwa hasara na mwisho watapiga mnada plants zao hizo kulipa madeni ya uendeshaji.

 

[Mshana Jr]

Wakati ukuta

 

[Capt Tamar]

Hivi kumbe kibaka justine nyari bado yupo? Hapo kuna kazi haramu alipewa, maana haiingii akilini eti nyari awe na biashara halali ya kufanya na kampuni kama The guardian, na kuanza kuhusisha watu wa calibre ya nyari kwenye biashara ndiyo njia sahihi ya kujifilisi na kuhamishia hekaheka mahakamani na au mafichoni.

 

[Kingsharon92]

Minada ya matajiri hiyo, mi nasubiri mnada wa baiskeli

Njoo huku kwenye minada ya screpa