Utandawazi ndio umechangia kwa kiasi kikubwa haya mambo. Zamani tulikuwa tunalala pamoja bila kuona jambo hilo kama tatizo. Hata mashuleni, kuna kipindi kulikuwa na uhaba wa vitanda na magodoro, hivyo wanafunzi walilazimika kulala pamoja, lakini haikuwa sababu ya kutokea kwa matatizo kama haya.
Tatizo kubwa la sasa ni namna teknolojia na mitandao imefanya maudhui ya ngono kupatikana kwa urahisi sana. Kuna aina za porn zinazohusisha hata mazingira ya kifamilia kama “mama na mtoto”, “baba na mtoto”, “dada na kaka”, pamoja na maudhui yanayohusisha watoto na watu wasiowajua.
Mtu akizoea kutazama maudhui hayo mara kwa mara, anaweza kuanza kuona mambo ambayo ni mabaya na yasiyokubalika kama kitu cha kawaida. Kwa baadhi ya watu, hali hiyo inaweza kuchochea tabia hatarishi na uhalifu wa kingono.
Ndiyo maana tunahitaji kuwa makini sana na watoto, matumizi ya mitandao na aina ya maudhui wanayokutana nayo. Kulinda watoto si jukumu la mzazi mmoja tu; ni jukumu la familia na jamii nzima.
