Niaje Kuwa na ‘Side Hustle’? Kutafuta Hela Zaidi au ni Kukosa Tamaa?

[Last_Joker]

Siku hizi imekuwa kawaida kusikia watu wakijisifia wana ‘side hustle’ – kazi ya ziada mbali na ajira yao ya kudumu. Swali linakuja, hivi kuwa na ‘side hustle’ ni kutafuta hela ya ziada kwa maisha bora au ni tamaa tu ya kutoridhika na mshahara wa mwezi? Kila mtu anapambana kutafuta hela za kuendesha maisha, lakini je, hii mbio ya kuwa na kazi zaidi inatufanya tuwe na maisha bora au tunaishia tu kujipatia presha?

Unakuta mtu ana ajira nzuri tu, analipwa mshahara unaomtosha kwa mahitaji ya msingi, lakini bado anakimbizana na kazi nyingine. Sasa hivi, ni kawaida kuona mtu anafanya biashara ya mtandaoni, kuuza bidhaa, kuendesha boda boda, au hata kufanya kazi za mikononi baada ya saa za ofisini. Wengine wanadai wanataka ‘uhuru wa kifedha’ na kujitegemea zaidi, lakini wengine wanaenda mbali zaidi kwa kuona huu ni mwendo wa ‘kufanikiwa’ katika jamii. Lakini je, inafika mahali tunasahau kujipa muda wa kupumzika?

Mara nyingi sababu kubwa inayowasukuma watu kwenye ‘side hustle’ ni hali ngumu ya maisha na mfumuko wa bei. Kila kitu kinapanda – kodi, chakula, ada za shule – na wakati huo huo mshahara unaonekana kutotosheleza. Hata hivyo, je, tunawekeza muda wa kutosha kwenye hizi kazi za ziada au tunajichosha bure? Ni ukweli usioepukika kuwa ‘side hustle’ zinachukua muda na nguvu, na kama hatujipangi vizuri, tunaweza kujikuta tukiathirika kimwili na kiakili.

Pia, kuna wale wanaosema kuwa hizi ‘side hustle’ zinawasaidia kuboresha ujuzi wao na hata kuwapa nafasi ya kufurahia vipaji vyao. Kama unapenda sana kitu kama kilimo, biashara ndogo ndogo, au hata mambo ya ubunifu, basi huenda ‘side hustle’ yako inakusaidia kuendeleza ndoto zako. Lakini pia kuna wale ambao wamekuwa watumwa wa hizi kazi za ziada, na maisha yao yote yanakuwa ni kazi tu – hakuna muda wa kujipumzisha au kuenjoy matunda ya jasho lao.

Je, unadhani kuwa na ‘side hustle’ ni lazima kwa maisha ya sasa au ni presha tu ya jamii? Na kama una ‘side hustle,’ unawezaje kuhakikisha inakuletea faida bila kukuletea mzigo wa ziada? Changia mawazo yako; unadhani ‘side hustle’ ni njia bora ya kupata hela zaidi au ni dalili kwamba hatujatosheka na kile tulicho nacho?​

 

[Eyce]

Kuna kipindi nilikuwa nafanya vitu vitatu kwa wakati mmoja kwa sababu hakuna sehemu nilikuwa full time. Na si kwamba zote zilikuwa zinanilipa sana Ila binafsi yangu sipendi kufanya kitu kile kile kila siku so hata nikiwa na ajira lazma nifanye vitu vingine kuepuka hiyo boredom..

 

[Ben-adam]

Hela huwa hazitoshi

 

[Morning_star]

Sasa wewe kinachokuumiza ni nini? Kumbuka kwa maisha ya sasa hakuna kitu kinaitwa kupumzika cha bure! Utapumzikaje bila kuwa na hela? Ukikaa sehemu ili upumzike lazima simu yako iwe na hela ya bundle la kutosha! Ukikaa sebuleni uangalie music au TV lazima kingamuzi kisome au unetflixike na bundle la Internet! Ukitaka mchepuko/manzi ndo balaa zaidi! Ukienda kustarehe bar au ufukweni kuna gharama ya nauli/usafiri kukupeleka na kukurudisha au hela ya kinywaji bar! Sasa si bora muda huo nijibidiishe kwa kujiingizia kipato? Ukitafuta washikaji wa kupiga story wengine watakuingizia mawazo ya kukuharibu! Ukienda vibanda vya kahawa na draft unakutana na makabwela na wachawi na wezi na watu wa ovyo na kuharibu fikra zako! Mimi nadhani bora mtu ujitafutie shughuri halali ya kukukeep busy wakati wa leisure time!

 

[Mzee wa kupambania]

Side hustle itakusaidia mbeleni, ukistaafu au ukipoteza kazi

Wastaafu wengi wamefeli kwa sababu hawakuwahi kuwa na side hustles wakipata pesa za pensheni wakijaribu biashara huwa wanadondokea pua

Ila aliyekuwa kwenye side hustles hata mpunga wa kustaafia ukija tayari ana experience ni vigumu sana kutetereka kibiashara

Kwa sisi wanaume ni muhimu zaidi kuwa na vyanzo vingine vya mapato mbali ya ajira ukishastaafu ndio utaelewa jinsi mke na watoto walivyo kama hauna vyanzo vingine vya mapato

Mshahara haujawahi kutosha