Ndugu zangu Watanzania,
Kuna video nimeiona kwenye ukurasa wa Twitter wa Maulidi Kitenge ikimuonesha Rais wa Nigeria Mheshimiwa Tinubu akianguka chini wakati akitaka kupanda gari. ambapo ni kama alijikwaa na hivyo kumpelekea kwenda chini pasipo kupata msaada wa haraka wa kumdaka kutoka kwa walinzi wake.
Kwa mujibu wa Maulidi Kitenge anadai kuwa wa Nigeria wamewalaumu sana walinzi wake ambao walishindwa kuwa makini ,hasa kwa kutambua kuwa hali ya kiafya ya Rais wao haijawa njema sana tokea kuingia kwake madarakani.
Mimi naishia hapa hapa tu ndugu zangu. Ila nilikuwa naona viongozi wetu wa kiafrika wakiona umri umekwenda sana na hawapo vizuri kiafya ,ni bora kukaa pembeni na kubakia kama washauri tu kwa mamlaka pale inapobidi kama ambavyo alifanya Hayati Baba wa Taifa Mwalimu Nyerere. Japo kujikwaa na kuanguka chini ni bahati mbaya na anaweza kuanguka yeyote yule.
Lakini ukiangalia kwa hali ya kibinadamu unaona wazi kabisa Mheshimiwa Tinubu anahitaji kupata muda mzuri wa kupumzika na kujiangalizia kwa ukaribu afya yake.kuliko kukimbizana na mikiki mikiki ya uongozi na safari za mara kwa mara za kiserikali ambazo inakuwa ni hatari kwa afya yake ,hasa kwa kuzingatia umri wake na hali yake kwa ujumla kiafya.Ok Mungu amsaidie tu na kumtia nguvu.
Video tayari imeshawekwa humu na wadau. Kwenye post Namba 23 .kwa hiyo shuka hapo chini uiangalie vizuri kwa macho yako.
Kazi iendelee, mama Ametufikia na kuwafikia watanzania kwa utumishi wake uliotukuka wa kugusa maisha ya watanzania wanyonge wasio na Sauti.
Lucas Hebel Mwashambwa.Mama ANATOSHA kuendelea kuliongoza Taifa letu kwa muhula wa pili.