Nimefanikiwa kuanzisha kikundi cha maendeleo

nusuhela said:

Napenda kuleta mrejesho hapa jamii forum maana ni sehemu ambayo nilipata wazo la kuanzisha kikundi cha maendeleo.
Nilisoma uzi wa mkuu mmoja unaohusu vicoba. Nikavutiwa na namna vicoba vinavyoendeshwa hivyo nikaamua kuchukua idea na kuwapa baadhi ya watu wangu wa karibu.
Ninachofurahi ni kuwa walipokea wazo lile na kwa pamoja tukaamua kuanzisha kikundi ambacho mwanzo tulipanga tukiendeshe kwa mfumo wa vicoba lakini baadaye nikaamua kubadili maamuzi na kukifanya kuwa kikundi cha kudumu cha kusimamia miradi mbalimbali.

Kikundi kina wanachama 10. Ambao tumejiwekea kutoa mchango kwa mfumo wa hisa. Hisa yetu moja tunaiuza sh 10,000 ambapo kila mwanachama lazima anunue kila wiki. Pia kana atahitaji kununua hisa nyingi kwa wiki, zisizidi 3.
Pia tunakopeshana wenyewe kwa riba nafuu kabisa.
Tumepanga kufungua mradi wa kwanza mwezi wa sita mwaka huu.

Lengo la kuanzisha uzi huu ni kuomba ushauri namna ya kuweza kusajiri kikundi ili kitambulike na tuingie kwenye mikopo nafuu inayotolewa na taasisi mbalimbali.
Ni hatua zipi inatupasa kuzifuata ili tuweze kusajiliwa bila vikwazo.

Ahsanteni sana

Click to expand...

MVB Jr said:

Mkuu kindly share mrejesho wa taratibu za kufungua kikundi hasa ktk vipengele vifuatavyo...

1. Nyaraka za kuambatanisha ni zipi..
2. Ofisii ya Msajili ni ipi..
3. Gharama za kusajil na gharama endelevu ni kiasi gani..
4. Idadi ya chini kabisa ya wanachama wanaoweza kuanzisha kikundi ni ngapi..
5. Matakwa mengine ambayo ni muhimu sana kuzingatia..


Natanguliza shukurani.

Click to expand...

nakashari said:

Hello, Naomba nikusaidie kwa ninayoyajua;
Mimi sijamaliza miez miwili toka nifanye usajili wa kikundi changu, Kuna mambo muhimu ya kuzingatia ukitaka kuanzisha kikundi kama ifuatavyo;
Katiba ya kikundi, Hii ndo huwa inabeba lengo la kikundi pamoja na taratibu zake, Mnatakiwa kuwa wana kikundi wasipungue 10, Na mkishakamilisha hayo ili kuanza taratibu za kusajili kikundi chenu, mnatakiwa kuandaa muhtasar pamoja na Barua ya utambulisho kutoka kwa Mwenyekiti wa serikali za mitaa, ambayo itapitia kwa mtendaji wa kata na kupigwa muhuri hapohapo itapitishwa na afisa maendeleo wa kata yenu.

Baada ya hapo, Unapswa kuwa na kiasi cha Tsh 50,000 kama ada ya usajili, sijui kama hicho kiwango kinatumika kwa mikoa yote ila kama uko Arusha hiyo ndo ada. Hatua inayofuata ni usajili utaambatanisha hizo nyaraka hapo juu (Katiba, barua ya maombi ya usajili, Muhtasari, na Barua kutoka serikali za mitaa) na utaenda kwa mkurugenzi wa Jiji sehemu unapoishi office zake, hapo wa watapitia nyaraka zako kisha watakupatia Acc no ukalipie ada, halaf watakupa maelezo ya lini kuja kuchukua cheti chako cha usajili.

Baada ya kupata cheti cha usajili sasa unaweza kwenda kuanza taratibu za kufungua account; Bank nzuri kwa account ya kikundi nakushauri Equity, Haina mlolongo mrefu na pia hakuna makato ya mwezi wala ada ya kufungulia tofauti na bank nyingine

Aina ya kikundi CBO ( Community based Organisation )

Click to expand...

MVB Jr said:

Ahsante sana Mkuu kwa maelezo makini kabisa..

Roughly, mchakato mzima ulikuchukua siku ngapi kukamilisha..

Pia, nalenga kufungua kikundi cha kijasiriamali, nacho kinaangukia category ya CBO....

Natanguliza shukurani.

Click to expand...

nakashari said:

Mchakato ulinichukua kama wiki Mbili kwani, taratibu za Barua na kulipia nilitumia siku mbili, baada ya hapo week ya kwanza ikapita inayofuatia Tukapata cheti chetu.

Nadhani itaangukia huko kwani vikundi vingi naona huwa wanatumia CBO kujisajili....
Pia Mnapokuwa mmepata usajili ni rahisi pia kupata Mikopo ile inayotolewa na halmashauri kwa ajili ya VIkundi vya kijasiriamali na pia Hata kama mtahitajia kupata bima ya afya Mkiwa na usajili ni rahisi kupata Bima kwa gharama ndogo tofaut na mtu mmojammoja.

Click to expand...

MAMESHO said:

mtafute afisa maendeleo wa jamii aliyepo karibu nawe muulize kuhusu mkopo wa magufuli usio na riba mkipata hiyo ita boost sana kikundi chenu

Click to expand...

MVB Jr said:

Ahsante sana kwa ushirikiano big boss..

Unastahili kabisa kuwa na kikundi,kwa sbb ya roho nzuri sana ya ushirikiano uliyonayo..

Mungu azidi kukubariki katika eneo hilo..

Siku Njema.

Click to expand...