DOKEZO Responded Nini kipo nyuma ya pazia? Fremu nyingi za Stendi ya Mwenge zimefungwa Mwaka mzima licha ya kukamilika

DOKEZO Responded Nini kipo nyuma ya pazia? Fremu nyingi za Stendi ya Mwenge zimefungwa Mwaka mzima licha ya kukamilika

Hili ni dokezo maalum toka kwa mwananchi mtumiaji wa JF mwenye nia ya kuusaidia umma kuwa na taarifa 'maalum'
Joined
Dec 6, 2025
Posts
7
Reaction score
5
Stendi ya Mwenge ambayo inasimamiwa na Halmashauri ya Mansapaa ya Kinondoni ina mwaka mzima tangu ilipoanza kutumika, ambapo miundombinu mingi inayozunguka kituo hicho cha daladala imekamilika, ikiwemo fremu zilizojengwa kwenye jengo la ghorofa.

Katika hali ya kushangaza, ni takribani mwaka mzima sasa fremu nyingi zimefungwa na hazitumiki licha ya kuwepo kwa uhitaji mkubwa kutoka kwa wananchi.
photo_2026-03-27_09-18-34.jpg

photo_2026-03-27_09-18-53.jpg
Nilipoona zimefungwa kwa muda mrefu nikahisi hakuna wateja nikaamua kwenda kuulizia fremu hizo, niliambiwa zina wamiliki, lakini sasa ni zaidi ya miezi sita imepita zimeendelea kufungwa bila kutumika. Jambo hili linasababisha stendi hiyo kukosa mzunguko mkubwa wa watu, licha ya uwepo wa magari mengi yanayotumia stendi hiyo.

Ukifuatilia zaidi, unaambiwa fremu hizo zipo mikononi mwa wahusika ambao hawatajwi wazi. Aidha, kabla ya kupangishwa, unatakiwa uandae zaidi ya shilingi milioni nne ili kuwapa watu wanaodaiwa kuzimiliki; ndipo uweze kupata fremu.
photo_2026-03-27_09-19-00.jpg
Hali hii imekatisha tamaa watu wengi, ambapo wengi wao wameamua kwenda kwenye majengo binafsi, hata yale yaliyo mbali na eneo hilo.

Najiuliza ni akina nani wanaomiliki fremu hizo, na kwa nini zinashindwa kufanya kazi licha ya nyingi kukamilika. Je, Halmashauri ya Manispaa ya Kinondoni haioni changamoto hii kuwa inazorotesha mzunguko wa watu na maendeleo katika stendi hiyo?

Ninatoa wito kwa Halmashauri ya Manispaa ya Kinondoni pamoja na TAMISEMI kufuatilia suala hili. Ikiwa kuna mazingira ya “upigaji”, wahusika wawajibishwe na fremu hizo zianze kutumika ili kuchochea mzunguko katika eneo hilo.
photo_2026-03-27_14-35-19.jpg
Mwendelezo wa taarifa soma hapa ~ Fremu za Stendi ya Mwenge zilizoripotiwa kufungwa kwa kipindi kirefu zaanza kufunguliwa
 
Back
Top Bottom