Wild Flower
JF-Expert Member
- Jul 20, 2023
- 977
- 1,966
Mbunge wa Viti Maalum mstaafu kupitia CHADEMA, Felista Njau, ameendelea na mbinu yake ya kampeni kwa kuingia moja kwa moja sokoni badala ya mikutano ya hadhara, akiwahimiza wananchi kumpa kura ya urais Dkt. Samia Suluhu Hassan katika uchaguzi ujao wa Oktoba 29.
Akiwa katika Soko la Kiboriloni, Njau aliwaambia wafanyabiashara na wananchi waliokusanyika kuwa Rais Samia amejidhihirisha kwa miaka minne
iliyopita kuwa kiongozi mwenye uwezo wa kusukuma mbele maendeleo ya taifa.
"Tumeshampima, ametufaa. Ndio maana ninawaomba tumpe ridhaa ya muhula mwingine ili aendelee kuongoza taifa letu," alisema Njau, akisisitiza kuwa uongozi wa Samia umeonyesha dira, mshikamano na matokeo ya kweli kwa wananchi.
Njau pia aliwaeleza wafanyabiashara wa Kiboriloni kuwa Rais Samia amekuwa msitari wa mbele kuboresha mazingira ya biashara ndogondogo, sekta ya afya na elimu, akiongeza kuwa siku 100 za mwanzo za muhula wake mpya zitakuwa na mageuzi zaidi.
Wananchi waliomsikiliza sokoni walipata nafasi ya kueleza changamoto zinazowakabili, ikiwemo miundombinu ya soko na upatikanaji wa mitaji nafuu. Walibainisha matarajio kwamba iwapo Samia ataendelea kuongoza, maboresho hayo yatawafikia moja kwa moja.
Akiwa katika Soko la Kiboriloni, Njau aliwaambia wafanyabiashara na wananchi waliokusanyika kuwa Rais Samia amejidhihirisha kwa miaka minne
iliyopita kuwa kiongozi mwenye uwezo wa kusukuma mbele maendeleo ya taifa.
"Tumeshampima, ametufaa. Ndio maana ninawaomba tumpe ridhaa ya muhula mwingine ili aendelee kuongoza taifa letu," alisema Njau, akisisitiza kuwa uongozi wa Samia umeonyesha dira, mshikamano na matokeo ya kweli kwa wananchi.
Njau pia aliwaeleza wafanyabiashara wa Kiboriloni kuwa Rais Samia amekuwa msitari wa mbele kuboresha mazingira ya biashara ndogondogo, sekta ya afya na elimu, akiongeza kuwa siku 100 za mwanzo za muhula wake mpya zitakuwa na mageuzi zaidi.
Wananchi waliomsikiliza sokoni walipata nafasi ya kueleza changamoto zinazowakabili, ikiwemo miundombinu ya soko na upatikanaji wa mitaji nafuu. Walibainisha matarajio kwamba iwapo Samia ataendelea kuongoza, maboresho hayo yatawafikia moja kwa moja.
