SoC01 Njia zinazoweza kutumiwa na Serikali kupata mapato badala ya kuwakamua Watanzania kwenye tozo

[chai ya moto]

Serikali zote Duniani ni lazima ziwe na vyanzo vya mapato vya uhakika vya kuendeshea Serikali mapato hayo ni muhimu kwa sababu ndiyo yanayojenga barabara,yanayonunua silaha,yanayonunua madawa na kulipa mishahara na posho watumishi wa umma na wanasisa.Hivi karibuni kumeibuka mjadala kuhusu makato yanayofanywa na Serikali kupitia miamala ya simu za mkononi,mapato hayo yanaumiza kwa sababu Watanzania wengi ni mafukara wa kutupwa.

Baada ya kelele mbalimbali tarehe 23 julai 2021 Spika wa Bunge la Tanzania Job Ndugai aliibuka na kuwataka wale wote wanaopinga tozo hizo watoe njia mbadala ili serikali ipate fedha za maendeleo.

Hizi zifuatazo zinaweza kuwa njia mbadala za Serikali kupata fedha za maendeleo

Kuongeza wigo wa mapato

Katika nchi yetu watu wanaolipa kodi ni wachache sana ni watumishi wa umma na watumishi wa sekta binafsi pamoja na wafanyabiashara waliosajiliwa na mamlaka ya mapato Tanzania ndiyo wanaolipa kodi.Kuna watu wengi sana wanaopata mapato makubwa lakini hawalipi kodi.Kwenye kundi hili kuna madalali,mafundi ujenzi,mafundi seremala,wafugaji,wakulima,watangaza matangazo ya biashara kupitia mitandao ya kijamii na wafanyabiashara wanaotumia mitandao ya kijamii kufanya biashara.

Niliamua kuwahoji watu wafuatao ili nijue namna wanavyofanya biashara zao nilianza na Seif Salum mkazi wa Mabibo Dar es salaam, na mpaka rangi kucha yeye aliniambia anapata shilingi elfu 30 kila siku lakini halipi kodi ya aina yoyote,Jakob Mushi mfanyabiashara wa soko la Loliondo Kibaha ana mtaji wa zaidi ya milioni sita akiwa anauza nafaka lakini halipi kodi zaidi ya ushuru wa soko shilingi 500 kwa siku.Joseph Kasongu dalali mashuhuri wa nyumba,viwanja na mashamba mkazi wa Maili moja Kibaha ana miliki basi dogo,amejenga na anasomesha kutokana na kazi yake ya udalali lakini halipi kodi ya aina yoyote.Mifano ya aina hii ni mingi sana na ipo kila kona ya Tanzania. Kinachotakiwa Serikali isajili Watanzania wote wanaostahili kulipa kupitia mtandao wa vitambulisho vya taifa na kuwapa namba za mlipa kodi waanze kulipa kodi.Kinachotakiwa nI kuwapangia kodi inayolipika kutegemea na vipato vyao na kwa utaratibu rafiki utakaowezesha watu walipe kodi bila kukimbizana.

Utalii

Tanzania ina vivutio vya kila aina kuliko nchi nyingi Duniani lakini kwa mwaka inapokea watalii wachache sana,mwaka 2016 ilipokea Watalii milioni 1.2,mwaka 2017 ilipokea Watalii milioni 1.3 na mwaka 2019 ilipokea Watalii milioni 1.5 wakati Tunisia mwaka 2019 ilipokea Watalii milioni 9.4 na kama isingekuwa ugonjwa wa UVIKO 19 mwaka 2020 wangeweza kuvunja rekodi ya kupokea Watalii milioni 10. Sera nzuri,huduma bora,mikakati mizuri pamoja na kutangaza vivutio vyao ndiyo siri ya kupokea Watalii wengi hakuna uchawi wala miujiza.Kwenye kutangaza Utalii tunashindwa hata na Rwanda inayotumia fedha nyingi kutangaza utalii kupitia michezo hasa kupitia vilabu mashuhuri vya soka Duniani vya Arsenal ya Uingereza na na PSG ya Ufaransa,leo hii mchezaji mashuhuri Dunani wa soka Lionel Messi anavaa jezi iliyoandikwa "tembelea Rwanda" sisi tumebaki tumebung'aa.Rwanda mwaka 2019 walipokea Watalii milioni 1.6 .Nchi ndogo isiyo na vivutio vingi inapokea idadi ya Watalii inayofanana na Tanzania!

Idadi kubwa ya Watalii ndiyo wingi wa fedha wanazoleta ni wakati wa Serikali na wadau wa utalii kujipanga na kutatua kero zinazowapata Watalii wakitembelea Tanzania pamoja na kutangaza kwa nguvu utalii wetu ili tupate fedha nyingi na kuachana na kuwabinya Watanzania kwenye tozo mbalimbali.

Rasilimali zilizopo chini ya ardhi

Kwenye ardhi ya Tanzania kuna gesi za aina mbalimbali na madini ya kila aina lakini rasilimali hizo bado hazijalinufaisha taifa kwa kiwango kikubwa.Kuna madini mengi bado hayajachimbwa.Mwaka 2013 niliwahi kutembelea machimbo ya madini ya rubi ya Ngembambili na Masuguru Wilayani Mbinga mkoa wa Ruvuma ambayo yanachimbwa na wachimbaji wadogo wadogo ambao hawana vifaa ,ujuzi na tekinolojia inayotakiwa kwenye uchimbaji,wanachokifanya ni kuchimba juu juu na kuhamia sehemu nyingine.Pale wanapohama wanakuwa wameacha madini ambayo yanakuwa chini sana na hawawezi kuyafikia kutokana na kuwa na zana duni,kutokuwa na ujuzi na kukosa tekinolojia ya uchimbaji .Machimbo ya aina hii ni mingi sana inachotakiwa Serikali ishirikiane na wadau kufanya utafiti kwenye machimbo kama haya na kuwezesha madini yachimbwe ili fedha zipatikane za kujenga barabara,kulipa posho na mishahara Watumishi na Wanasiasa,kujenga madaraja na matumizi mengine muhimu ya Serikali.

Pia kuna sehemu nyigi za nchi ambako kuna rasilimali chini ya ardhi lakini bado hazijagundulika mfano kampuni ya Helium one mwaka 2016 iligundua gesi ya Helium mkoani Rukwa yenye ujazo wa futi za ujazo bilioni 98.9 za gesi hiyo muhimu na hadimu Duniani imeifanya Tanzania kuwa na hifadhi kubwa zaidi ya gesi hiyo Duniani.Kwa ugunduzi huo wa gesi ya Helium kuna uwezekano mkubwa wa Tanzania kuwa na gesi nyingine na madini mbalimbali ambayo hayagundulika au hayajaanza kuchimbwa kwahiyo Serikali ishirikiane na wadau kufanya utafiti na kukiwepo madini au gesi washirikiane na wawekezji kwa kumiliki hisa na uwekezaji wa aina hiyo siyo mgeni Tanzania kwani kwenye mgodi wa makaa ya mawe wa Ngaka uliopo Mbinga Ruvuma kampuni ya Intra energy inamiliki asilimia 70 na Serikali ya Tanzania kupitia kampuni ya Tancoal iliyo chini ya Shirika la maendeleo la Taifa inamiliki asilimia 30.

Rasilimali zilizopo chini ya ardhi kama zikichimbwa kwa kutumia sera nzuri,mikakati bora na kutanguliza uzalendo zinaweza kuipaisha nchi hii kiuchumi na Watanzania wakanufaika kwa rasilimali hizo kama ilivyo kwa nchi ya Botswana ambao uchumi wao wanategemea almasi ambayo inachangia asilimia 50 ya mapato ya Serikali.Botswana imefanikia sana kwenye madini kwa sababu ya ubia wa 50 kwa 50 na makiampuni yanayochimba almasi nchini humo.

Pamoja na vyanzo nilivyo orodhesha pia Watumishi wa umma walioajiriwa kwa kazi hiyo wasumbue vichwa vyao kutafuta vyanzo vya mapato na kuboresha vilivyopo badala ya kuhangaika na tozo za miamala ya simu.

 

[chai ya moto]

karibuni kuchangia na kupiga kura.

 

[Rebeca 83]

Ardhi kilimo bado kuna nafasi sana...

 

[Uchumi wa Mifugo]

Siku hizi kuna maduka mengi ya mtandaoni yamefunguliwa lakini hayalipi kodi.TRA iende na wakati ising'ang'ang'anie njia za asili za ukusanyaji Kodi wakati Dunia imebadilika.

 

[Uchumi wa Mifugo]

Ardhi kilimo bado kuna nafasi sana...

Ni kweli kabisa.
Tanzania mazao mengi yanastawi tungeweza kujenga uchumi imara kwa kutumia kilimo na serikali ingekuwa inapata mapato humo.

 

[Uchumi wa Mifugo]

Kuna mzee mmoja anafuga ng'ombe wa maziwa zaidi ya 30.ana wafanyakazi watano lakini halipi kodi yoyote lakini mwalimu wa shule ya msingi mwenye mshahara wa laki 6 analipa Kodi kila mwezi.Kuna fedha nyingi serikali inapoteza.

 

[Mindi]

Tanzania kuna wenye nyumba za kupangisha. Hawalipi kodi kabisa sijui kwa nini. Kenya wanalipa kodi. Tena mfanyakazi ambaye anaishi nyumba ya kupanga, hutakiwa kujaza fomu kuonesha anapoishi, namba ya nyumba, na kiasi anachomlipa mwenye nyumba. Mwenye nyumba pia ana fomu zake za kujaza. Hili jeshi kubwa la wenye nyumba lingeingiza fedha nyingi sana kwa serikali. Nasikia kwa kuwa wakubwa wengi wamewekeza huko, ndio maana inakuwa ngumu. Yaani hata Magufuli na ubabe wake hakuweza kuileta hiyo kodi.
Hii itawezekana tu nadhani CCM wakiondoka madarakani. Ni maoni yangu

 

[Uchumi wa Mifugo]

Wazo zuri sana,Kuna watu kweli wanapata mapato makubwa kwa nyumba za kupangisha tu.Tatizo wataalam wetu hawajiongezi.

Tanzania kuna wenye nyumba za kupangisha. Hawalipi kodi kabisa sijui kwa nini. Kenya wanalipa kodi. Tena mfanyakazi ambaye anaishi nyumba ya kupanga, hutakiwa kujaza fomu kuonesha anapoishi, namba ya nyumba, na kiasi anachomlipa mwenye nyumba. Mwenye nyumba pia ana fomu zake za kujaza. Hili jeshi kubwa la wenye nyumba lingeingiza fedha nyingi sana kwa serikali. Nasikia kwa kuwa wakubwa wengi wamewekeza huko, ndio maana inakuwa ngumu. Yaani hata Magufuli na ubabe wake hakuweza kuileta hiyo kodi.
Hii itawezekana tu nadhani CCM wakiondoka madarakani. Ni maoni yangu

 

[JS Farms]

Mpaka leo Tanzania inaagiza chuma nje ya nchi wakati Liganga kuna chuma cha kutosha .Hiki chuma kingeleta fedha za kutosha.

 

[Uchumi wa Mifugo]

Mpaka leo Tanzania inaagiza chuma nje ya nchi wakati Liganga kuna chuma cha kutosha .Hiki chuma kingeleta fedha za kutosha.

Kama mradi wa chuma wa Liganga ungekamilika ungezalisha chuma Tani milioni 219 kwa miaka 70.
Uzalishaji huo ungeifanya Tanzania iwe nchi ya nne kwa uzalishaji chuma Afrika.Mapato ambayo yangepatikana ni dola bilioni 1.7 kwa mwaka.lakini mpaka leo unasuasua akina Mwigulu wanakazana na tozo.

 

[Premij canoon]

Yaani serikali ya ccm inapaswa kufumiliwa yote, ni ma bogus yamejazana yakinenepeana hapo.

 

[Uchumi wa Mifugo]

Viongozi wa Serikali hawana ubunifu,uthubutu nk.Wanatumia akili nyepesi kufanya mambo ndiyo maana wanaibuka na tozo lakini Kuna mabilioni ya fedha yamelala Liganga.

Yaani serikali ya ccm inapaswa kufumiliwa yote, ni ma bogus yamejazana yakinenepeana hapo.

 

[TUJITEGEMEE]

Asante, ninaomba post number moja ya uzi huu, iwe printed nakala ipelekwe kwenye meza ya Spika wa Bunge la Jamhuri y Muungano Tanzania huko Dodoma. Na ihakikishwe amepewa yeye mwenyewe Spika na kuisoma.

Natanguliza shukrani kwa atakayewezesha zoezi hili.

 

[chai ya moto]

Ardhi kilimo bado kuna nafasi sana...

Tukiamua tunaweza kuwa wazalishaj wakubwa wa korosho,mafuta ya kula,sukari,mchele,katani nk.Tuna ardhi kubwa kuliko Malaysia lakini mafuta ya kula yanatoka Malaysia ni aibu.

 

[chai ya moto]

Tanzania kuna wenye nyumba za kupangisha. Hawalipi kodi kabisa sijui kwa nini. Kenya wanalipa kodi. Tena mfanyakazi ambaye anaishi nyumba ya kupanga, hutakiwa kujaza fomu kuonesha anapoishi, namba ya nyumba, na kiasi anachomlipa mwenye nyumba. Mwenye nyumba pia ana fomu zake za kujaza. Hili jeshi kubwa la wenye nyumba lingeingiza fedha nyingi sana kwa serikali. Nasikia kwa kuwa wakubwa wengi wamewekeza huko, ndio maana inakuwa ngumu. Yaani hata Magufuli na ubabe wake hakuweza kuileta hiyo kodi.
Hii itawezekana tu nadhani CCM wakiondoka madarakani. Ni maoni yangu

Watu wengi wanaishi mijini lakini wanategemea nyumba za kupanga lakini Serikali haioni fursa ya kuchukua kodi.

 

[chai ya moto]

Asante, ninaomba post number moja ya uzi huu, iwe printed nakala ipelekwe kwenye meza ya Spika wa Bunge la Jamhuri y Muungano Tanzania huko Dodoma. Na ihakikishwe amepewa yeye mwenyewe Spika na kuisoma.

Natanguliza shukrani kwa atakayewezesha zoezi hili.

Shukrani,Dk.Mwigulu ni memba wa JF anaweza kuuona.

 

[Uchumi wa Mifugo]

Tanzania inapitia maendeleo ya tekinolojia kama nchi nyingine Duniani na hivyo kufanya kuongezeka kwa biashara za mtandaoni ambazo hazihitaji duka wala frem ni wakati sasa wa Serikali itazame huko ili ianze kukusanya kodi.

 

[chai ya moto]

Tanzania inapitia maendeleo ya tekinolojia kama nchi nyingine Duniani na hivyo kufanya kuongezeka kwa biashara za mtandaoni ambazo hazihitaji duka wala frem ni wakati sasa wa Serikali itazame huko ili ianze kukusanya kodi.

wazo zuri,kuna vyanzo vingi vya mapato ambavyo serikali haija vifanyia kazi.

 

[chai ya moto]

Tanzania imechaguliwa kuwa mwenyeji wa mkutano wa kimataifa wa utali wa 65 wa kanda ya Afrika utakaoandaliwa na shirika la umoja wa mataifa linaloshughulikia masuala ya utalii (UNWTO) kwa kushirikiana na serikali ya Tanzania utakaofanyika mwezi oktoba 2022 jijini Arusha.Hii ni fursa kubwa kwa Tanzania kutangaza utalii wake.

 

[Uchumi wa Mifugo]

Nimeona kwenye habari kupitia TBC online Waziri mkuu analalamika kwamba sekta ya mifugo bado haijaleta tija katika pato la taifa licha ya Tanzania kushika nafasi ya pili kwa kuwa na mifugo Mingi Afrika.Alisema sekta ya mifugo haifanyi vizuri kutokana na wafugaji wengi kutunza mifugo yao kienyeji na hivyo kushusha thamani ya mazao yao nikabaki najiuliza kwanini yeye kwa kushirikiana na maafisa wa serikali asiongoze juhudi za kufanya mabadiliko ili sekta ya mifugo inufaishe nchi,anataka Nani afanye hiyo kazi.